Հեռախոսի խցիկի մոտ լքված երեխան 22 տարի անց հանդիպել է կյանքը փրկած տղամարդուն
12:09 31 հուլիսի, 201622-ամյա Կիրան Շեյխը ծննդյան օրից բավականին դժվար օրեր ու տարիներ է անցկացրել։ Լինելով անցանկալի հարաբերությունների պտուղ՝ մայրը ծննդաբերելուց 2 ժամ անց դստերը թողել է լոնդոնյան հեռախոսի խցիկներից մեկի մոտ։
Բայց հրեշտակները երեխայի մոտ են ուղարկել 52-ամյա Ջո Քեմփբելին, որը գտնելով անօգնական նորածնին՝ զանգել է ոստիկանություն։
Ոստիկանները երեխային տեղափոխել են հիվանդանոց, որտեղ փոքրիկին կնքել են «Էյփրիլ» անունը՝ տալով նրա փրկիչ Քեմփբելի ազգանունը։
Սակայն ճակատագիրը երեխային տարել է մեկ այլ ընտանիք, որը նրան որդեգրելուց հետո փոխում է անունը՝ Կիրան Շեյխ։ Իսկ երբ Կիրան դարձել է 8 տարեկան, նրան պատմել են ոչ միայն որդեգրված լինելու, այլեւ Ջո Քեմփբելի բարի գործի մասին։
Տարիներ անց արդեն տիկին Կիրան ցանկություն է հայտնել հանդիպել Քեմփբելի հետ, որը սիրով համաձայնել է նորից տեսնել «ճակատագրի իր նվերին»։
«Ես այնքան հուզված էի։ Անհավանական էր, որ 15 տարի սպասելուց հետո ես հանդիպեցի նրան։ Նա մորիցս հետո երկրորդ մարդն էր, ով գրկել է ինձ»։
Աղբյուրը՝ Daily Mail