Անցյալ տարի դեկտեմբերին երկրորդ երեխային լույս աշխարհ բերելուց հետո հայտնի հեռուստաաստղ Քիմ Քարդաշյանը սկսեց լրջորեն աշխատել իր մարմնի վրա՝ ավելորդ քաշից ազատվելու եւ լողափնյա սեզոնին պատրաստվելու համար։ Եվ ահա, եկել է ժամանակը ցուցադրելու 8 ամիս քրտնաջան մարզվելու եւ Աթքինսի դիետային հետեւելու արդյունքը։
Մոտ 30կգ նիհարելուց հետո 35-ամյա հայուհին որոշել է 3-ամյա Նորթի եւ 8 ամսական Սեյնթի հետ մեկնել Խաղաղ օվկիանոսի ափին գտնվող մեքսիկական Պունտա Միտա բնակավայր՝ վայելելու իր արժանի հանգիստը։ Ի դեպ, Քարդաշյան-Ջեներ ընտանիքից բացի, այստեղ են սիրում հանգստանալ Դեմի Մուրը եւ Օռլանդո Բլումը։
Քիմն ընտրել է բնականը՝ մարմնագույն լողազգեստ, որը ցուցադրում է նրա շքեղ կազմվածը, հավաքված վարսեր եւ շատ նուրբ դիմահարդարում։
Փոքրիկ Նորթը նույնպես, հետեւելով մայրիկին, ընտրել է մարմնագույն լողազգեստ եւ բարձր հավաքված մազեր։
Դե իսկ փոքրիկ Սեյնթը վայելում է իր առաջին հանգիստը քույրիկի, մայրիկի եւ հայրիկի հետ՝ չնայած պապարացիներին չի հաջողվել ֆիքսել ռեփերին։
Քիմն օգնել է փոքրիկին անել իր առաջին քայլերը ավազի վրա։
Հիշեցնենք, որ Քիմ Քարդաշյանն իր kimkardashianwest.com կայքում հերքել էր հետույքի արհեստական մեծացման մասին լուրերը՝ խոստովանելով, որ հատուկ ներարկումներ է արել:
«Ինձ կորտիզոնի ներարկում են արել: Մեր հարեւաններից մեկը Cedars հիվանդանոցում մաշկաբան էր: 2007 թվականին ես նրա մոտ գնացի՝ հետույքի մկանի ներարկում անելու, քանի որ փսորիազ ունեի: Ներարկման հետեւանքները քիչ հավանական էին, սակայն իմ դեպքը բացառություն դարձավ»,- պատմել էր Քիմը:
Աղբյուրը՝ Daily Mail
Լուսանկարները՝ Splash News