Comedy Club-ի առաջին մեգաշոուն՝ Երեւանում (ֆոտոռեպորտաժ)
23:11 23 օգոստոսի, 2016Օգոստոսի 23-ին Երեւանում կայացավ Comedy Club սպասված համերգը: Հումորային ակումբի հայտնի ու սիրված կազմն առաջին անգամ ելույթ ունեցավ Հայաստանում:
«Շնորհակալ եմ, որ այսօր եկել եք այստեղ՝ Կարեն Դեմիրճյանի անվան մարզահամերգային համալիր: Comedy Club-ի ամբողջ անձնակազմը շնորհակալ է ձեզ դրա համար: Այսօր շատ թեժ է լինելու բեմի վրա: Մենք անհամբերությամբ սպասում էինք մեր այս ելույթին: Գիտեք՝ Երեւանում կայացած մեր ցանկացած համերգ վերածվում է տոնի, եւ թեեւ սա մեր առաջին համերգն է Երեւանում, վստահ եմ՝ այն իսկական տոն է դառնալու»,-նշեց շոու ծրագրի պրոդյուսեր եւ հաղորդավար Գարիկ Մարտիրոսյանը:
Համերգի ընթացքում ներկայացվեցին թե արդեն սիրված, թե նոր համարներ: Հանդիսատեսի բուռն ծափահարությունների ներքո ելույթ ունեցան խմբի ամենասիրելի անդամները՝ Մարինա Կրավեցը, Անդրեյ Սկոռոխոդը, Դեմիս Կարիբիդիսը, Գարիկ Խառլամովը, Տիմուր Բատրուդինովը եւ United Sexy Boys խումբը:
Թե ինչ մթնոլորտ էր տիրում Comedy Club-ի երեւանյան համերգի ժամանակ, ավելի ցայտուն կփոխանցեն մեր լուսանկարները:
Սյունե Առաքելյան, Դիանա Հովհաննիսյան
Լուսանկարներն՝ Արսեն Սարգսյանի