Թոփլես Ֆերգին՝ Paper ամսագրի նոր ֆոտոշարքում
18:12 30 օգոստոսի, 2016Paper ամսագրի սեպտեմբերյան համարը թեժ է լինելու։ Դրա էջերին հայտնվելու են միանգամից երեք հայտնի գեղեցկուհիներ՝ Նաոմի Քեմփբելը, մերկ Բլեք Չայնան եւ թոփլես Ֆերգին։
Ամսագրում նոր համարում Ֆերգիի գունավոր ֆոտոշարքից բացի, կարելի է կարդալ նաեւ նրա հարցազրույցը, որում երգչուհին պատմում է որդու՝ Էքսլի եւ ամուսնու՝ հայտնի դերասան եւ մոդել Ջոշ Դյուամելի մասին։
41-ամյա երգչուհին բացահայտել է, որ իր կյանքում ամենաանմոռանալի պահը որդուն իր համերգին տեսնելն է եղել։
«Կախարդական ակնթարթ էր. Էքլսը հանդիսատեսի մեջ ձեռքով էր անում ինձ»,- վերհիշել է Ֆերգին։
Երգչուհին նաեւ նշել է, թե որքան կարեւոր դեր է ունեցել ամուսինն իր բեմական կյանքում 2011-ին՝ The Black Eyed Peas-ից հեռանալուց հետո։
«Ամուսինս միակն էր, ով քաջալերում էր ինձ։ Նա ասում էր՝ ես ուզում եմ քեզ կրկին բեմում տեսնել»,- պատմել է վերջերս համացանցը պայթեցրած MILF երգի կատարողը։
Աղբյուրը՝ Daily Mail