Ես իդեալներ չեմ ստեղծում. Ադրիանա Գալստյանն ու Սեւանա լիճը` NEWS.am STYLE-ի նոր ֆոտոշարքում
12:08 31 օգոստոսի, 2016Ադրիանա Գալստյանին եւ նրա մարմնավորած հերոսուհիներին հաճախ ենք անդրադառնում տարբեր հարցազրույցներով: Այս անգամ NEWS.am STYLE-ը որոշեց բացահայտել դերասանուհուն նոր տեսանկյունից: Իսկ էլ ինչպե՞ս կարող ենք բացահայտել մարդուն, եթե ոչ բլից հարցերի միջոցով:
Ադրիանան ոչ միայն պատասխանեց մեր հարցերին, այլեւ դարձավ Սեւանում իրականացրած մեր նոր ֆոտոշարքի հերոսուհին:
Լուսանկարներն ու հարցազրույցը սիրով ներկայացնում ենք ձեր ուշադրությանը:
-Ինչպիսի՞ն է Ադրիանա Գալստյանը:
-Այնպիսին, ինչպիսին ցանկանում են տեսնել ծնողներս, հարազատներս եւ մտերիմներս:
-Ամենամեծ երազանքդ...
-Թող դա այդպես էլ անհայտ մնա:
-Եթե չլինեիր դերասանուհի....
-Կլինեի երգչուհի:
-Կատարյալ երջանկությունը քեզ համար...
-Գտնել կյանքում ամենալավն ու ամենալավին…
-Սիրածդ ֆիլմը...
-«Խաբեության պատրանք» 1 եւ 2:
-Հոլիվուդյան ո՞ր դերասանի հետ կցանկանայիր հայտնվել միեւնույն ֆիլմում…
-Ջեյսոն Սթեթհեմի հետ:
-Սիրածդ գիրքը...
-Ջեյն Օսթին, «Հպարտություն եւ նախապաշարմունք»:
-Ի՞նչ ոճի երաժշտություն ես լսում...
-Ամենատարբեր` կախված է տրամադրությունիցս: Միեւնույն ժամանակ, բացառում եմ ջազն ու ռոքը:
-Դու` 10 տարի անց…
-Ավելի աշխույժ եւ աշխատասեր:
-Ո՞վ է քեզ համար կնոջ իդեալ….
-Մայրս:
-Ամենաչսիրածդ հարցը…
-Ե՞րբ ես հասնում:
-Ո՞ւմ հետ ես կիսվում կարեւոր մտքերով…
-Աստծո հետ…
-Ինչպիսի՞ն պետք է լինի իդեալական տղամարդը…
-Իդեալներ չեմ ստեղծում…
-Նպատակ, որին ձգտում ես հասնել…
-Այժմ գերագույն նպատակս կապված է կարիերայիս հետ:
-Սիրածդ երկիրը…
-Միացյալ Նահանգներ:
-Ո՞ր հեքիաթի կամ մուլտֆիլմի հերոսուհուն ես քեզ նմանեցնում:
-«Գտնված երազ» :)
-Կյանքիդ ամենաուրախ օրը…
-13.06.16: Մնացածը թող գաղտնիք մնա…
-Ինչի՞ց ես ամենից շատ վախենում…
-Մենակությունից:
-Ամենից շատ սպասում ես…
-Երազանքիս իրականացմանը...
Սյունե Առաքելյան
Լուսանկարները` Արսեն Սարգսյանի
Զգեստները` Լուսի Բորիսովնա/Fashion Fantasy
Դիմահարդար` Անի Թադեւոսյան
Զարդերը` V.A. Handmade