Նախաճաշը եւ հավասարաչափ սնունդը սթրեսի դեմ պայքարում

Նախաճաշը պետք է իր մեջ ներառի բարձրորակ սպիտակուցի որեւէ աղբյուր, օրինակ` կաթ, կաթնաշոռ, յոգուրտ, գետնանշի յուղ կամ սառը միս: Նախաճաշը, որը բավարար է ամբողջ առավոտվա ընթացքում մարդուն էներգիայով ապահովելու համար, կարող է կազմված լինել մրգերից կամ մրգահյութից ` հացի կամ շիլայի հետ: Դեպրեսիայի մեջ գտնվող մարդու ամենավատ սովորություններից մեկը միայն մեկ բաժակ սուրճով նախաճաշելն է: Քանի որ այդ ըմպելիքը ոչ միայն նպաստում է սթրեսը հանելուն եւ դեպրեսիային, կարող է ավելի վատացնել սկսված նյարդաբանական խանգարումները:

Բոլորովին անձեռնմխելի չէ «երեք անգամյա սննդի» սկզբունքը: Շատ մարդիկ հայտնաբերում են, որ իրենց ավելի լավ են զգում, եթե ավելի հաճախ են ուտում եւ ավելի փոքր չափաբաժիններով` ամբողջ օրվա ընթացքում հավասարաչափ: Bray-ի հետազոտությունները 1972 թվականին ցույց են տվել, որ ավելի հաճախակի եւ չափավոր սնունդն իրոք սննդի օգտագործման ավելի ցանկալի միջոց է: Ամենից կարեւորն այն է, որ սննդային բաղադրիչները պետք է օրվա ընթացքում այնպես բաշխված լինեն, որ առավելագույնս բավարարեն անհատի ֆիզիկական եւ հոգեկան պահանջմունքները:
Սննդի օպտիմալ բաշխումը կարող է նույնիսկ տատանվել մարդու մոտ` նրա օրական սննդից կախված:

Ընդհանուր առմամբ խորհուրդ չի տրվում սնունդ ընդունել ավելի հազվադեպ, քան օրական երեք անգամ. այդ դեպքում սննդի ընդունման երկարատեւ ընդմիջումների պարագայում անհատի մոտ հաճախ ուժերի անկում է դիտարկվում: Բացի այդ, երեք անգամից պակաս հաճախակի սնվելու դեպքում, դժվար է բոլոր անհրաժեշտ սննդային բաղադրիչները ստանալ այլ կերպ, քան չափազանց շատ սնունդ օգտագործելով:

Ինչպիսին էլ լինի սննդի ընդունումների ամենօրյա թիվը, դրանք պետք է ներառեն այս կամ այն մթերքները բոլոր չորս խմբերից (միս, ձավարեղեն, կաթ եւ մրգեր): Անհրաժեշտ է սահմանափակել դատարկ կալորիաներ պարունակող սննդի ընդունումը (այսինքն` այն մթերքների, որոնցում կալորիաներից բացի, գրեթե ոչինչ չկա), դա հատկապես վերաբերում է ավելորդ քաշով մարդկանց:

Աղբյուրը` Otvetnavse.com