Անկախությունն, առաջին հերթին, նշանակում է ազատություն. Եվա Բաղդասարյան
15:15 21 սեպտեմբերի, 2016«Փոխնակ մայրը» հեռուստասերիալում Էլենին մարմնավորող դերասանուհի Եվա Բաղդասարյանը հպարտ է, որ ծնվել է անկախ Հայաստանում:
«Իմ եւ իմ հասակակիցների բախտը բերել է՝ ծնվել անկախ Հայաստանում եւ լինել ազատ, ինչի համար շատ ուրախ եմ»,-ասում է 22-ամյա դերասանուհին:
Եվայի համար անկախությունն առաջին հերթին նշանակում է ազատություն.
«Դա յուրաքանչյուր մարդ պետք է ունենա: Ինձ համար այդ փաստը շատ կարեւոր է, որովհետեւ եթե չլինես ազատ, չես կարող քեզ լիարժեք զգալ»:
Դերասանուհին առաջնահերթ մեր երկիրը ցանկանում է տեսնել խաղաղության եւ համերաշխության մեջ.
«Կցանկանայի արթնանալ եւ լսել, որ չկա ոչ մի վտանգ ու պատերազմ»:
Ինչպես շատերը՝ Եվան եւս սեպտեմբերի 21-ին գնում է Հանրապետության հրապարակ եւ մասնակցում տոնին:
«Շնորհավորում եմ բոլորիս այս կարեւոր տոնի՝ անկախության 25-ամյակի առթիվ»:
Սյունե Առաքելյան