Ինձ միշտ թվացել է` ես իմ հոր պես լավ դերասան չեմ կարող դառնալ. Մայքլ Դուգլասն այսօր նշում ծննդյան 72-ամյակը
18:02 24 սեպտեմբերի, 2016Ամերիկացի հայտնի դերասան եւ պրոդյուսեր Մայքլ Դուգլասն այսօր նշում է ծննդյան 72-ամյակը:
Օսկարակիր դերասանը ճանաչում է ձեռք բերել «Սան Ֆրանցիսկոյի փողոցները» հեռուստասերիալից հետո: Շատերին նա հայտնի է` որպես հոլիվուսյան աստղ Քըրք Դուգլասի որդի: ինչպես ասում են` պտուղը ծառից հեռու չի ընկնում:
Հայտնի ընտանիքի հայտնիությունն էլ ավելի կատարյալ դարձավ Մայքլի եւ հոլիվուդյան գեղեցկուհի Քեթրին Զետա-Ջոնսի ամուսնությամբ: Ի դեպ, նա եւս այսօր նշում է ծննդյան տարեդարձը: Սակայն Քեթրինի մասին կխոսենք քիչ ավելի ուշ:
Իսկ այս պահին ձեր ուշադրությանն ենք ներկայացնում Մայքլ Դուգլասի ամենահայտնի մտքերից մի քանիսը:
«ինձ հիացնում է Չիկագոյի բնակչությունը: Մինչ Հոլիվուդը չափազանցնում է, իսկ Նյու Յորքը` խոսում, Չիկագոն աշխատում է»:
«Դերասանները հաճախ բարձր են գնահատում ամեն ինչ»:
«Դերասանուհիներն ավելի շատ են վախենում այն փաստից, որ իրենց կարող են չսիրել: Իսկ ինձ դա այդքան էլ չի մտահոգում»:
«Միայն ընտանեկան ճգնաժամը, հատկապես, ամուսնալուծությունը կարող է քեզ ստիպել արժեքավորել կյանքդ»:
«Շատ կարեւոր է սխալներ գործելը: Դրանք ապրում են այնքան, մինչեւ ինքդ ես ձերբազատվում դրանցից»:
«Արվեստը կյանքի ցնծությունն է»:
«Կան որոշ կանայք, որոնց դուր են գալիս տարիքով տղամարդիկ, բայց նրանք փոքրամասնություն են կազմում»:
«Ինձ միշտ թվացել է` ես իմ հոր պես լավ դերասան չեմ կարող դառնալ: Ահա, թե ինչու երկար ժամանակ խուսափել եմ նկարահանումներից»:
«Եթե քեզ չի հուզում աշխատանքդ, ուրեմն իմաստ չկա այն կատարել»:
«Համբերություն ձեռք բերելը հեշտ գործ չէ»:
Սյունե Առաքեյան