«Բուրլեսկի թագուհի» Դիտա ֆոն Տիզը դարձավ 44 տարեկան. հիշելով գեղեցկուհու տղամարդկանց
19:23 28 սեպտեմբերի, 2016«Բուրլեսկի թագուհի» Դիտա ֆոն Թիզը սեպտեմբերի 28-ին դարձավ 44 տարեկան: Այսօր Դիտան հաջողակ դիզայներ է, պարուհի, ֆոտոմոդել, դերասանուհի, սակայն ոչ բոլորը գիտեն, որ Դիտա ֆոն Տիզի երակներում հայկական արդյուն է հոսում, ինչի մասին նա ժամանակին հայտնել էր NEWS.am STYLE-ի հետ զրույցում:
«Տատիկիս որդեգրել են, բայց նրա հարազատ հայրը հայ է եղել»,- քանիցս հայտարարել է դերասանուհին:
Բուրլեսկի թագուհի Հիզեր Ռենե Սվիթը, որը հայտնի է Դիտա ֆոն Տիզ անունով, աներեւակայելի գեղեցկուհի է, եւ մենք որոշեցինք հիշել աստղի կյանքում եղած տղամարդկանց:
Մինչեւ Մերիլին Մենսոնի հետ ամուսնանալը (ամուսնացած էին 2005-ից մինչեւ 2007 թվականը) Դիտան հանդիպում էր Social Distortion խմբի անդամ Մայք Նեսոմի եւ դերասան Փիթեր Սարսգաարդի հետ:
Ինչ-որ առիթով Դիտան խոստովանել է, որ 20 տարեկանում լեսբոսուհու փորձ է ձեռք բերել եւ ընկերուհու հետ է ապրել:
Ամուսնալուծվելուց հետո նա հանդիպել է Hurts Тео խմբի մենակատար Հաչքրաֆթի հետ, բայց, ըստ տարածված լուրերի, նրան լքել է այն պատճառով, որ երաժիշտը կանգնել է իր երեկոյան զգեստի քղանցքի վրա:
2013 թվականին պապարացիներին հաջողվել է Դիտային լուսանկարել այն ժամանակ, երբ նա հանդիպում էր Good Charlotte խմբի 34-ամյա կիթառահար եւ բեք վոկալիստ Բենջի Մեդենոմի հետ, ով այժմ ուրախ-զվարթ ապրում է Քեմերոն Դիասի հետ:
Հայտնի է նաեւ, որ Դիտան հանդիպել է կոմս Լուի-Մարի դե Քասթելբաժակի հետ:
Ինչպես ինքը՝ Դիտան է խոստովանում, նա սիրահետողներ ունի ամբողջ աշխարհում:
«Ես հիմա միանգամից երեք տղամարդ ունեմ, եւ նրանք բոլորը աշխարհի տարբեր ծայրերում են… Այո, իմ ամենամեծ մեղքն այն է, որ ես հմտորեն խաղում եմ տղամարդկանց հետ»,- ասել է Դիտան իր վերջին հարցազրույցներից մեկի ժամանակ: