Աննա Սեդոկովան, Նաստասյա Սամբուրսկայան, Նատաշա Ռուդովան, Դիանա Շատվերյանը եւ այլք՝ Մոսկվայում VARDA-ի մոտ աղջիկների ամենաշքեղ հավաքույթին

14:05   18 հոկտեմբերի, 2016

«Где самые клевые девчонки, у нас в клубе, где самые крутые тусы, у нас в клубе»...

Այն, որ VARDA-ն տաղանդավոր պարուհի է, բոլորս էլ հրաշալի գիտենք: Իսկ այն, որ նա Ռուսաստանի մայրաքաղաքում ակումբ է բացում, որտեղ տղամարդկանց ոչ մի կերպ չի հաջողվի մուտք ունենալ, աննկատ ներթափանցել եւ նայել, նույնպես արդեն հայտնել ենք։ Իսկ ահա օրերս Մոսկվայում տեղի է ունեցել VARDA-ի Ladies Club ակումբի բացումը:

Միջոցառմանը բազմաթիվ հայտնիներ են մասնակցել, որոնց թվում են եղել Աննա Սեդոկովան, Նատաշա Ռուդովան, Նաստասյա Սամբուրսկայան, Անժելիկա Ռեւան, Ռիտա Ջաքոթան, Անաստասիա Ռեշետովան, Օկսին, Տաշա Տուրովան, Կրիստինա Կոնկովան, Լիզա Ժարկիխը, Ասսոլը, Նատալյա Յաշչուկը եւ շատ ուրիշներ:

Հատուկ այս իրադարձության համար Երեւանից ժամանել է հայ դիզայներ Դիանա Շատվերյանը:

Ակումբի ամբողջ պարագծով թիկնապահներ են հսկել:

Երեկոն վարել է Աննա Սեդոկովան:

Ակումբում պարային դահլիճներից բացի, եղել է նաեւ սրճարան, գեղեցկության սրահ, շոու-սենյակ, բացի այդ՝ աղջիկները կարող են դառնալ շքեղագույն ֆոտոշարքի հերոսուհիները եւ հայտնվել VARDA-ի սադափեփայլ ամսագրի էջերին:

Յուրաքանչյուր հյուր իրեն կարող էր զգալ «Բուրլեսք» ֆիլմի հերոսուհի՝ շպարելով քիթը կամ շուրթերը ներկելով  BEAUTY ROOM-ի փերիների շրթներկով:

RED ROOM գաղտնի սենյակում տեղի է ունեցել թեմատիկ ֆոտոնկարահանում «Մոխրագույնի 50 երանգները» ֆիլմի ոճով:

 

Աղբյուրը՝ դերասանուհու մամուլի ծառայություն



© NEWS.am STYLE