Հորդանանի թագուհին՝ լիբանանահայ դիզայներ Գրիգոր Ջաբոտյանի զգեստով
11:20 20 հոկտեմբերի, 2016Լիբանանահայ հայտնի դիզայներ Գրիգոր Ջաբոտյանի զգեստները հագնում են ոչ միայն նորահարսերը, հասարակ մահկանացուներն ու հայտնի դեմքերը, այլեւ թագուհիները։
Տաղանդավոր դիզայների մոդելավորած հագուստներն է ընտրում նաեւ Հորդանանի թագուհի Ռանիա ալ-Յասինը։ Գրիգորն իր Isntagram-ում հրապարակել է թագավոր Աբդուլլահ II-ի կնոջ լուսանկարը եւ գրել.
«Ուրախ ենք Ձերդ գերազանցություն թագուհի Ռանիա ալ-Յասինին տեսնել Գրիգոր Ջաբոտյանի հագուստով։ Ինչպես միշտ, թագուհին փայլում է իր հավերժական նրբագեղությամբ»,- մեկնաբանել է Գրիգորը։
Նշենք, որ Ռանիա ալ-Յասինը առաջին անգամ չէ, որ օգտվում է հայ դիզայների առաջարկած զգեստներից։ Անցյալ տարի նույնպես թագուհին հագել էր Գրիգորի հավաքածուից մի զգեստ։
