Առավոտյան Քլոե Քարդաշյանն ամուսնալուծվեց, եւ ապահարզանների նորաձեւ միտումը կարող էր շարունակվել, քանի որ համացանցում լուրեր էին հայտնվել 33-ամյա դերասան Քրիս Հեմսվորթի եւ 40-ամյա Էլզա Փաթաքիի ամուսնալուծության մասին։
Հաղորդվում էր, որ մինչ Քրիսը հայրենի Ավստրալիայում նկարահանում է «Թորի» շարունակությունը, Էլզան վերցրել է 3 երեխաներին եւ մեկնել Իսպանիա։
Թվում էր, թե բաժանումը պարտավորվածություն չի եղել. աղբյուրները հայտնում են, որ դա երկու կողմերի ցանկությունն է եղել։
Սակայն, «Վրիժառուների» եւ «Թորի» աստղն անմիջապես հերքել է շշուկները։
Քրիսը Instagram–ում տեղադրել է հետեւյալ լուսանկարը եւ գրել.
«Նոր կնոջ որոնումներ՝ համաձայն @womansdayaus–ի եւ մոլորության մեջ գցող մյուսների։ Քաղցրի՛կս, դու ինձ դեռ սիրում ես, ճի՞շտ է»։
Հիշեցնենք, որ Քրիս Հեմսվորթը եւ Էլզա Փաթաքին ծանոթացել էին 2010-ին, իսկ 3 ամիս անց ամուսնացել։ 2012-ին ամուսինները դուստր էին ունեցել՝ Ինդիա Ռոուզը, իսկ 2014-ին լույս աշխարհ էին եկել երկվորյակներ Տրիստանն ու Սաշան։