Սաուդցին հարսանիքից 2 ԺԱՄ ԱՆՑ ամուսնալուծվել է
13:50 25 հոկտեմբերի, 2016«2016-ի ամենակարճ ամուսնություն» տիտղոսը ստանում է Սաուդյան Արաբիայից զույգը (անունները չեն նշվում), որոնք հարսանիքից երկու ժամ անց ամուսնալուծվել են։ Իսկ բաժանման պատճառը, որքան էլ զարմանալի է, Snapchat-ն է։ Նորահարսը հարսանեկան մի քանի լուսանկար է հրապարակել այս ցանցում եւ իր ուրախության մասին հայտնել ընկերուհիներին, ինչը դուր չի եկել փեսային։
«Այդ կետը ներառված էր ամուսնական պայմանագրի մեջ։ Նրանք չպետք է սոցցանցերի միջոցով (Snapchat, Instagram կամ Twitter) լուսանկարներ հրապարակեին կամ ուղարկեին։ Դա պարտադիր պայման էր»,- պատմում է ամուսնալուծված հարսի քույրը։
Քրոջ խոսքով՝ փեսային լուսանկարները հրապարակելուց բացի զայրացրել է հարսի պատասխանը «Քո ընկերնե՞րն են կարեւոր, թե՞ ես» հարցին։ Նորահարսը անկեղծորեն պատասխանել է՝ «ընկերները»։
Այս ամենի հետեւանքով փեսան նման կտրուկ որոշում է կայացրել։
Աղբյուրը՝ Daily Mail