Օգոստոսին հաղորդել էինք, որ Թոմ Քրուզը դստերը՝ Սուրիին, երեք տարի չի տեսել: Թոմն իր կյանքից բացառել է նախկին կնոջը՝ Քեթի Հոլմսին եւ դստերը նրանց կրոնի՝ Սաենթոլոգիայի պատճառով:
Ըստ UsWeekly-ի՝ 10-ամյա Սուրին կրկին հայտնվել է 54-ամյա դերասանի կյանքում:
Թիկնապահի եւ դայակի ուղեկցությամբ Սուրին Լոս Անջելեսից 5 օրով Անգլիա՝ հոր մոտ է մեկնել, նրա ծննդյան առիթով:
Ի դեպ՝ հայր ու աղջիկ հանդիպել էին նաեւ հուլիսին, բայց այդ մասին ոչ ոք չի իմացել, այդ պատճառով նրանց համար այդ կարեւոր իրադարձության ոչ մի լուսանկար համացանցում չի հրապարակվել:
Հիշեցնենք, որ օրերս Թոմը հյուրընկալվել էր Ջեյմս Քորդենի շոուին, որտեղ 9 րոպեի ընթացքում 23 դեր էր խաղացել: