Բեյոնսեն երբեք չի սիրել Քիմ Քարդաշյանին. մանրամասներ Ամերիկայի ամենաաստղային ընտանիքների հարաբերությունների մասին

15:15   27 հոկտեմբերի, 2016

Անկեղծ ասած՝ այստեղ ոչ մի նոր բան չկա։ Բեյոնսեի վերաբերմունքը Քիմի նկատմամբ ակնհայտ դարձավ, երբ երգչուհին հրաժարվեց մասնակցել Քիմի հարսանիքին եւ արգելեց ամուսնուն՝ Քանյե Ուեսթի երբեմնի լավագույն ընկեր Ջեյ Զիին մասնակցել արարողությանը, որտեղ ի սկզբանե նա պետք է Ուեսթի խաչեղբայրը լիներ։

Այն ժամանակ՝ 2014-ին, Ֆլորենցիայում Քիմի հարսանիքին նրանց անուններով սեղաններ էին դրվել։ Սեղաններից մեկը դատարկ էր մնացել, իսկ դրա վրայի անունը ներկել էին։ Այդ սեղանը Բեյոնսեի եւ Ջեյ Զիի համար էր։ Նրանք նաեւ չեն այցելում Քանյե Ուեսթի ցուցադրությունները Նյու Յորքի նորաձեության շաբաթվա շրջանակում, ընդ որում, Քանյեն մշտապես գովազդում է Ջեյ Զիի Tidal ծառայությունը, որտեղ տեղադրում է իր երգերը։ Ինչ–որ անհասկանալի հարաբերություններ են աստղերի միջեւ։

Page Six պարբերականին Քարդաշյաններին մոտ կանգնած աղբյուրը հայտնել է, որ Բեյոնսեն երբեք առանձնապես չի սիրել Քիմին։

«Բեյոնսեն չի սիրում Քիմին։ Դրա պատճառով Ջեյ Զին օրերս վիճել է Քանյեի հետ։ Ամեն տղամարդու հետեւում կանգնած է նրան ղեկավարող կին։ Նրանց երեխաները՝ Նորթն ու Բլյու Այվին, երբեք միասին չեն խաղացել։ Բեյոնսեն Քիմին հանդուրժում էր, քանի որ Ջեյ Զին ու Քանյեն ընկերներ էին եւ ընդհանուր ընկերներ ունեին, օրինակ Ջեյ Լոն։ Բեյոնսեն միշտ սառը վերաբերմունք է ունեցել Քիմի նկատմամբ։ Վերջին անգամ, երբ նրանք հանդիպել էին, Բեյոնսեն պոչը քաշել էր Քիմի շրջապատից հենց որ նման հնարավորություն էր ստեղծվել։ Ամեն բան պարզ դարձավ Քիմի հարսանիքի ժամանակ, բայց նա որոշեց չվիճել դրա պատճառով»,– ասել է աղբյուրը։

Հիշեցնենք, որ Քանյեն որոշել էր իր մի քանի ընկերների հիշեցնել, թե ինչ է նշանակում ընկերություն։ Սիեթլում համերգի ժամանակ Քանյեն հենց բեմից մեկնաբանել էր Փարիզում կնոջ կողոպուտի նկատմամբ ընկերների վերաբերմունքը։

«Մի՛ զանգահարեք ինձ կողոպուտից հետո եւ մի՛ հարցրեք, թե ինչպես եմ ինձ զգում։ Ուզում եք իմանալ, եկեք իմ տուն։ Եկեք ձեր երեխաների հետ, ասես թե մենք եղբայրներ ենք, մտերիմ մարդիկ։ Մեր երեխաները անգամ չեն էլ խաղացել միասին (ակնարկել Ջեյ Զիին)»։

Որոշ ժամանակ անց աղբյուրները հայտնել էին, որ Ջեյ Զին չի շփվում Քանյեի հետ, քանի որ վերջինս ձանձրալի է դարձել։

«Ջեյ Զին Քանյեին էքսցենտրիկ հիմար է համարում, որին հնարավոր է դիմանալ փոքր չափաբաժիններով։ Նա հայտարարել է, որ Քանյեն ձանձրալի է»,– ասել են աղբյուրները։



© NEWS.am STYLE