5 հարց, որ պետք է տաս ինքդ քեզ՝ կյանքը լիարժեք վայելելու համար
20:33 28 հոկտեմբերի, 2016Երբեւէ հարցրել եք ինքներդ ձեզ՝ արդյոք լիարժեք է ձեր կյանքը կամ ինչ եք անում այն լիաթոք վայելելու համար։ Եթե դեռ չեք խորհել այս մասին, ուրեմն առաջարկում ենք հենց հիմա «խոսել ձեզ հետ եւ քննարկել» հետեւյալ 5 ոսկե հարցերը.
1. Ո՞րն է ձեր կիրքը
Իմանալով ձեր նախասիրությունները՝ դուք հաստատ արդեն կողմնորոշված կլինեք, թե ինչից եք գերագույն հաճույք ստանում, որ աշխատանքն է հենց ձեզ համար եւ ինչը կարող է մոտիվացնել ձեզ։
2. Ո՞րն է ձեր երջանկությունը
Երջանկությունը կարեւոր նախապայման է նպատակներին հասնելու համար, քանզի երջանկությունն ասես խթան լինի փոխելու ոչ միայն սեփական, այլեւ ուրիշների կյանքը։
3. Առավոտյան ժպիտո՞վ եք արթնանում
Ժպիտը առողջ ապրելակերպի գրավականներից է։ Ուրախ մտքերը ուրախ զգացողություններ են առաջացնում։ Այն սուպեր պարզ, բայց միեւնույն ժամանակ իսկապես աշխատող մեթոդ է։ Ուղղակի պատկերացրեք մի բան կամ մեկին, որը ուրախություն է պարգեւում ձեզ։
Ժպտացեք աշխարհին եւ այն կժպտա ձեզ։
4. Բաժակը կիսով չափ լի՞, թե՞ կիսատ եք տեսնում
Դրական տրամադրվածությունը կօգնի ոչ միայն վայելել ձեզ շրջապատող ամեն ինչ, այլեւ լինել առողջ։ Լավատես մարդիկ ավելի հազվադեպ են հիվանդանում, քան նրանք, ովքեր մշտապես բացասական զգացողություններ են ունենում։
5. Ե՞րբ եք վերջին անգամ արտասվել
Արտասվելիս դուք ազատվում եք այն զգացողություններից, որոնք կուտակվել են ձեր ներսում եւ թեթեւություն եք զգում։ Արտասվելիս դուք կարգավորում եք ձեր զգայական ֆոնը եւ կյանքն ավելի լիարժեք դարձնում։
Աղբյուրը՝ Daily Mail