Հոկտեմբերի 27-ը պատմական կարելի է համարել հայ մշակութասերների համար։ Հենց այս օրը աշխարհահռչակ հայ շանսոնյե Շառլ Ազնավուրը Քալիֆորնիայի հայ համայնքից «Պատվո աստղ» ստացավ Հոլիվուդի փառքի ծառուղիում։
«Ֆրանսիական Ֆրենկ Սինատրային» (ինչպես Ազնավուրին կոչել է ամերիկյան մամուլը) աստղը հանձնել է Քալիֆորնիայի նահանգի սենատոր Քեւին դե Լեոնը։ Իր ելույթում 92-ամյա երաժիշտը երախտագիտություն է հայտնել հանդիսատեսին.
«Զգացված եմ, որ ինձ հանձնեցիք այս աստղը: Ես հաճախ եմ Հոլիվուդ այցելում, շատ եմ աշխատել ԱՄՆ-ում՝ շոու-բիզնեսի հայրենիքում»։
Ելույթից հետո աշխարհին 1200 ստեղծագործություն տված երգիչը լուսանկարվել է հավաքված երկրպագուների հետ։
Լուսանկարվելու ցանկություն ունեցողների շարքում էր նաեւ սիրված երգիչ Ձախ Հարութը։