Այս հանելուկ-ֆիլմերի ընտրանին ձեզ անպայման դուր կգան, եթե դրանց սիրահարն եք: Իսկ տոներին կարելի է նաեւ նման ֆիլմեր դիտել:
«Սկիզբ»
Արդյունաբերական լրտես Դոմինիկ Կոբը հայտնի է նրանով, որ կորպորատիվ գաղտնիքներ է գողանում՝ օգտագործելով համատեղ երազատեսության տեխնոլոգիան: Իր երեխաների մոտ վերադառնալու համար նա համաձայնում է գրեթե անիրագործելի աշխատանքի:
«Բանականության խաղեր»
Այն բանից հետո, երբ տաղանդավոր մաթեմատիկոս Ջոն Նեշը համաձայնում է աշխատել ԿՀՎ-ի հատուկ բաժնում, նրա կյանքը լրջորեն փոխվում է, բայց՝ ոչ այնքան լավ ուղղությամբ:
«Անհետացածը»
Նիք եւ Էմի Դանն ամուսինների փոխհարաբերությունների խճճված պատմությունը հանրության սեփականությունն է դառնում: Ո՞ւր է կորել Էմին: Ո՞վ է նրան առեւանգել: Արդյո՞ք Նիքը մեղավոր է: Թվում է՝ այստեղ ավելի շատ հարց կա, քան պատասխան:
«12 կապիկ»
Ֆիլմի գործողությունները ծավալվում են ապագայում՝ 2035 թվականին: Մոլորակն անհետացման եզրին է մահացու հիվանդության պատճառով: Հանցագործ Ջեյմս Քոուլին ուղարկում են անցյալ, որպեսզի տեղեկություններ հավաքի արհեստական վիրուսի մասին:
«Մագնոլիա»
Փոխկապակցված նշանների, պատահականությունների էպիկական խճանկար, որոնք տեղի են ունենում Սան Ֆերնանդոյի դաշտում եւ փոխում բազմաթիվ մարդկանց ճակատագրերը:
«Պարոն Ոչ ոք»
Փոքրիկ տղան կանգնած է երկաթուղու կառամատույցում եւ փորձում է ընտրել, թե ում հետ մնա. մոր, թե՞ հոր: Քանի դեռ նա որոշում չի կայացրել, նրա հնարավորություններն անսահմանափակ են: Բայց հենց ընտրություն կատարի, այլեւս ոչինչ փոխել չի կարողանա: Ինչպե՞ս կդասավորվի նրա ճակատագիրը:
«Լավագույն առաջարկություն»
Հնաոճ իրերի տարեց եւ շատ հարգված կոլեկցիոներն իրեր գնահատելու՝ չափազանց խորհրդավոր պատվեր է ստանում երիտասարդ կնոջից, որը, չգիտես ինչու, երկար ժամանակ չի ցանկանում երեւալ նրա աչքին եւ դուրս գալ իր առանձնատնից:
«Ոչ մի տեղ չտանող մայրուղին»
Սաքսոֆոնադար Ֆրեդ Մեդիսոնի կյանքը ոտքից գլուխ փոխվում է աղմկոտ երեկույթի ժամանակ խորհրդավոր անծանոթի հետ հանդիպումից հետո: Ֆրեդին բանտ են նստեցնում սպանության համար, նրա կնոջը մահացած են գտնում, իսկ նա, չգիտես ինչու, իրեն բոլորովին այլ մարդ է համարում:
«Ամպոտ ատլաս»
Վեց առանձին պատմություններ միախառնվում են՝ իրար վրա ազդելով անցյալում, ներկայում եւ ապագայում եւ ապացուցում, որ այս աշխարհում ամեն ինչ սերտորան փոխկապակցված է:
«Շատրվան»
Ուռուցքաբան-գիտնականը փորձում է դեղամիջոց գտնել, որը կբուժի իր մահացու հիվանդ կնոջը, բայց անսպասելիորեն հայտնաբերում է, որ նախ պետք է հաղթահարի սեփական վախերը:
Աղբյուրը՝ Lifehacker.ru