Սովորական ամերիկուհի աղջկա՝ Լիսեթի կյանքում ամենաանմոռանալի պահը իր եւ Ջոսի հարսանիքի օրն էր: Սակայն թվացյալ հեքիաթը տարիներ անց դառնում է նրա ամենասարսափելի մղձավանջը:
Ամեն ինչ սկասվեց նրանից, երբ Լիսեթը ծննդաբերությունից հետո սկսեց գիրանալ: Կինը խոստովանում է՝ ամուսինն աստիճանաբար փոխեց վերաբերմունքն իր հանդեպ.
«Հաճախ էի նկատում, թե Ջոսն ինչ զզվանքով էր ինձ նայում: Նա անընդհատ կրկնում էր «գիրուկի մեկն ես»: Աստիճանաբար այդ կշտամբանքներն ավելի հաճակի բնույթ կրեցին: Ես այլեւս այն շքեղ կառուցվածքով աղջիկը չէի, որին նա ժամանակին սիրահարվել էր»,-Daily Mail-ին տված հարցազրուցում նշել է ամերիկուհին:
Ավելի ուշ Լիսեթը ամուսնու բջջայինի մեջ հայտնաբերում է տարատեսակ հաղորդագրություններ՝ բացահայտելով, որ Ջոսը շփվում է տարբեր կանանց հետ: Դրանից հետո կինը սկսում է էլ ավելի շատ ուտել՝ վիրավորանքը խեղդելով ուտելիքի մեջ:
Իսկ ամուսինը, նույնիսկ, չէր ժխտում, որ դավաճանում է կնոջը՝ մեղադրելով նրան, որ այդ ամենը նրա գեր լինելու պատճառով է տեղի ունեցել:
Այս խոսքերից հետո Լիսեթը վճռում է բաժանվել Ջոսից: Իսկ օրեր անց կինը սկսում է լրջորեն զբաղվել իր արտաքին տեսքով: Նա հրաժարվում է ճարպոտ եւ անառողջ սնունդից եւ կարճ ժամանակում ամբողջովին փոխում է իր արտաքին տեսքը՝ ազատվելով ավելորդ կիլոգրամներից:
Լիսեթը հիշում է՝ դստեր հետ հերթական հանդիպման ժամանակ նախկին ամուսինը չի կարողանում աչքը կտրել նրանից, նույնիսկ, նշում է, որ կինն այժմ հիանալի տեսք ունի:
«Այդ խոսքերից հետո ես դուռը ուղիղ նրա երեսին փակեցի: Ես այլեւս նրան չեմ թողնի իմ կյանք: Ես պետք է օրինակ լինեմ իմ դստեր, ինչպես նաեւ նմանատիպ խնդրի հետ բախված հազարավոր կանանց համար»,-ասում է նա:
Աղբյուրը՝ Daily Mail
Պատրաստեց Սյունե Առաքելյանը