«Օուշենի 8 ընկերուհիներ» ֆիլմի նկարահանման աշխատանքները շարունակվում են։ 2018-ին թողարկվող ֆիլմի գլխավոր դերերը խաղում են Սանդրա Բալոքը, Քեյթ Բլանշետը եւ Ռիհանան։ Վերջինը Instagram-ում լուսանկար է հրապարակել նկարահանման ընթացքից։
«Առաջին հայացքը «8 ընկերուհիներին, որը էկրաններին կլինի 2018–ին»»,– գրել է Ռիրին։
Լուսանկարում Ռիհանայից բացի, երեւում են Սանդրան եւ Քեյթը, Սառա Պոլսոնը, Հելեն Բոնեմը, Մինդի Քալինգը, Էնն Հեթեուեյը եւ Awkwafina–ն։
Նշենք, որ ֆիլմի ռեժիսորը Գերի Ռոսսն է, որը պետք է ֆիլմին ապահովի այնպիսի հաջողությունը, ինչպիսին ունեցավ Քլունիի եւ Փիթի մասնակցությամբ «Օուշենի ընկերները»։
Ի դեպ, ժապավենի գլխավոր անակնկալը կդառնա դրվագներում Քիմ Քարդաշյանի, Քենդալ եւ Քայլի Ջեններների, Աննա Վինտուրի, Ադրիանա Լիմայի եւ Քեթի Հոլմսի հայտնվելը։