Երիտասարդ եւ տաղանդավոր հայ դիզայներ Michelle Yazichyan-ը, չնայած զբաղվածությանը, համաձայնեց handmade-ի դասեր վարելու՝ NEWS.am STYLE-ի առաջարկին: Այսօր նա վարպետության դաս կանցկացնի յուրօրինակ հեղինակային կախազարդ պատրաստելու վերաբերյալ:
«Մեզ անհրաժեշտ են.
1. Մետաղալարի կտոր;
2. ժապավեն;
3. ուլունք;
4. մեխ;
5. կարճ շղթայիկ:
Մետաղալարին դեզոդորանտի շշիկի օգնությամբ կլոր տեսք ենք տալիս:
Եթե ձեռքի տակ մետաղալար չկա, վերցրեք թղթի ամրակներ, ուղղեք եւ կիսաշրջանի ձեւով ճկեք: Այնուհետեւ երկու հատվածները շրջանաձեւ ամրացրեք իրար:
Շղթայիկն ամրացնում ենք կախազարդի կմախքին:
Ժապավենը փաթաթում ենք ամբողջ շրջանով:
Այնուհետեւ վերցնում ենք երկար ժապավենը եւ կապում կախազարդին՝ երկու անգամ անցկացնելով շղթայիկի վրայով:
Նույն ժապավենից կտորներ ենք կտրում: 35-40 հատ:
Հանգույցով կապում ենք կախազարդին: Կտրում ենք, ծայրերը մշակում մոմի կրակով:
Եվ այսպես՝ ամբողջ շրջանով:
Չմոռանանք ուլունքի մասին: Այն կախում ենք շղթայիկից:
Ահա եւ վերջ: Հիմա արդեն կարելի է կրել կախազարդը:
Եթե նույնն անեք գունավոր ժապավեններով, կստացվի վառ, ուրախ կախազարդ փոքրիկ աղջկա համար»: