Ռուսական դերասան Նիկիտա Ջիգուրդան Facebook սոցիալական ցանցում միջոցներ է ներդրել:
Utro-ի փոխանցմամբ, 52-ամյա դերասանն ընկերության բաժնետոմսերի ձեռբերումն արձանագրել է տեսանյութում, որն արդեն հայտնվել է ցանցում: Հոլովակում Նիկիտա Ջիգուրդան ձեռք է բերում Facebook-ի շուրջ 1 մլն դոլար արժողությամբ 39.000 բաժնետոմս: Տեսանյութում ցուցադրված է նաեւ աշխարհահռչակ Uprt Fox-ի խրտվիլակը, որը բազմաթիվ երկրպագուների հրավերով ժամանել է Ռուսաստան: Տեսահոլովակի վերջում Ջիգուրդան դիմում է ցանցի հիմնադիր Մարկ Ցուկերբերգին. «Կհանդիպենք տնօրենների խորհրդում»:
Հայտնի է, որ Ջիգուրդան նախապես ցանկանում էր մասնաբաժին ձեռք բերել ռուսական ВКонтакте ընկերությունում, սակայն գործարքն իրականացնել չհաջողվեց եւ ընտրությունը կանգ առավ Facebook-ի վրա: