Valentino-ն դեկորատիվ կոսմետիկա է թողարկել․ առաջին գովազդային արշավում նկարահանվել է Բենեդետա Պիչոլին՝ ապրանքանիշի ստեղծագործական տնօրենի դուստրը
19:47 1 հունիսի, 2021Valentino-ն թողարկել է դեկորատիվ կոսմետիկայի առաջին հավաքածուն։ Դրանում ներառված են տոնային հիմքեր (մոտ 40 նրբերանգ), տարբեր գույների 50 շրթներկեր, կարմրաներկ, ստվերաներկ, մատիտ աչքերի համար: Բացի կոսմետիկայի հիմնական հավաքածուից՝ Valentino-ն ծրագրում է նաեւ սահմանափակ հավաքածուներ թողարկել, որոնք նվիրված են իրենց ցուցադրություններին։
Գովազդային արշավի հեղինակը Valentino-ի ստեղծագործական տնօրեն Պիերպաոլո Պիչոլին է։ Դրանում նկարահանվել են մոդելներ Ջիլ Քորթլեւը, Դեւոն Ռոսը, Մալիկա Լուբեկը, Հարի Բրաուզը եւ Բենեդետա Պիչոլին՝ Պիերպաոլո Պիչոլիի դուստրը։
View this post on Instagram
Կոսմետիկ միջոցներն արդեն իսկ հասանելի են ապրանքանիշի կայքում։ Valentino հավաքածուի շրթներկերի արժեքը կազմում է 26-40 ֆունտ, տոնային քսուքսները՝ 46, իսկ մատիտները՝ 36։