Քարդաշյաններից գլխավորը․ Քրիս Քարդաշյանի ամենատպավորիչ զգեստները

Քարդաշյան-Ջեներ ընտանիքում նորաձեւության հանդեպ սերն ակնհայտորեն ժառանգաբար է փոխանցվում։ Մենք բոլորս հաճույքով ենք նայում Քիմի, Քենդալի, Քայլիի, Քրիսի, Քլոեի եւ Քորթնիի կերպարներին, սակայն նրանցից ոչ ոք այնքան անթերի չի հագնվում, որքան դա անում է ընտանիքի մայրը՝ Քրիսը: Նա կառուցել է բիզնես կայսրություն, մեծացրել վեց երեխաների եւ, միեւնույն ժամանակ, արժանիորեն համարվում է Ամերիկայի ամենաոճային գործարարուհիներից մեկը:

Իհարկե, բիզնեսով զբաղվող մարդու համար շատ կարեւոր է հագուստի ընտրությունը։  Ավագ Ջեները հաճույք է ստանում աշխատանքից դուրս նորաձեւության մեջ փորձարկումներ անելով եւ, հաջողությամբ համոզում է մեզ, որ վերջին միտումները կարելի է կրել ցանկացած տարիքում: Ահա ապացույցներ, որ Ջեների նորաձեւ համադրությունները միշտ հաջող են ստացվում։

Իդեալական բլեյզերներ

Եթե Քրիս Ջեներին խնդրեին ընտրել մի բան, որը նա կկրեր ամբողջ կյանքում, դա հաստատ կլիներ իդեալական բլեյզերը։ Այս իրը դարձել է նրա ոճի ֆիրմային նշանը, եւ բացի այդ, դա այն զգեստապահարանի ունիվերսալ իր է, որը երբեք դուրս չի գա նորաձեւությունից:

Դասական տաբատ

Գործնական հանդիպումների համար Քրիսը նախընտրում է դասական տաբատ՝ առավել հաճախ ներքեւի հատվածը նեղ եւ սեւ գույնի։ Այս մոդելի տաբատը հաստատ վերաբերում է բազայի զգեստապահարանին, որի շուրջ դուք կարող եք կառուցել ցանկացած առիթի աութֆիթ․ բիզնես նախաճաշ, նկարահանումներ, Նորձեւության շաբատ եւ այլն։

Ուղիղ ձեւվածքի զգեստ

Չնայած մենք ավագ Ջեների ոճը ասոցացնում ենք տաբատների եւ բլեյզերների հետ, Քրիսը սիրում է զգեստներ եւ տարբեր առիթների ժամանակ հաճույքով կրում է դրանք: Ամենից հաճախ աստղը նախընտրում է ուղիղ կտրվածք եւ լակոնիկ դիզայն։

Միատոն

Քրիսի կյանքը բառացիորեն գրի է առնված րոպեներով, եւ միշտ տարբեր տեսք ունենալը, եւ միեւնույն ժամանակ նորաձեւ լինելը, դա ինչ-որ գերխնդիր է: Սակայն դա նույնպես նրան հաջողվում է։ Ո՞րն է գաղտնիքը։ Կարեւորը շահավետ գունապնակ ընտրելն է։ Քրիս Ջեները գերադասում է ունիվերսալ եւ անժամանակ երանգներ՝ սպիտակ, կաթնային եւ սեւ, որոնց հետ ամենատարբեր իրավիճակներում կարելի է առավելագույն քանակությամբ աուտֆիտեր ստեղծել: Մեկ այլ հաջողված հնարք․ համադրել տաբեր տեքստուրաներ։  Օրինակ՝ նույն երանգի կաշին, թավիշն բամբակը։

Աղբյուրը՝ Marieclaire.ru

Լուսնակարները՝ Getty Images