Վիրջիլ Աբլոյի մահվանից հետո Louis Vuitton ապրանքանիշը դիտարկում է Քանյե Ուեսթի թեկնածությունը տղամարդկանց հավաքածուի ստեղծագործական տնօրենի պաշտոնում։ Դիզայներն ու երաժիշտը ընկերություն էին անում 12 տարի։
«Քանյեին վշտացրել է Վիրջիլի մահը, քանի որ նրանք երկար տարիներ ընկերներ էին եւ շատ են աշխատել միասին։ Նրանք նմանատիպ տեսլական ունեին, եւ հիմա Քանյեն զգում է, որ պարտավոր է ընկերոջ աշխատանքը շարունակել Louis Vuitton-ում»,- հայտնել է The Sun-ի աղբյուրը։
Քանյե Ուեսթն ու Վիրջիլ Աբլոն նորաձեւության աշխարհում բազմաթիվ անգամներ համագործակցել են՝ հագուստի հաջողակ հավաքածուներ ստեղծելով։ Աբլոն նույնիսկ ղեկավար պաշտոն է զբաղեցրել Ուեսթի «DONDA» գործակալությունում։
Դիզայները նոյեմբերի վերջին մահացել է քաղցկեղի հազվադեպ տեսակի դեմ երկու տարվա պայքարից հետո։ Նա 41 տարեկան էր։
Լուսանկարը՝ Pascal Le Segretain/Getty Images