Նախքան ձեր հաջորդ ուղեւորությունը Ֆրանսիա, մենք խորհուրդ ենք տալիս ծանոթանալ այս էջերին, բայց ավելի լավ է բաժանորդագրվել ու հետեւել դրանց բոլոր նորություններին:
Ամառը մոտ է, ինչը նշանակում է, որ արձակուրդները սարերի ետեւում չեն։ Մայիսի վերջ-հուլիսի սկիզբ․ հիանալի ժամանակ է Փարիզ այցելելու համար: Ընդ որում, Երեւանից ուղիղ չվերթը կտեւի ընդամենը 4,5 ժամ։ Սա, եթե դուք թռչում եք FlyOne Հայաստանով: Հակառակ դեպքում ստիպված կլինեք մեկ ժամ ավելի ծախսել։
Լեզուներ
Ֆրանսիայում քչերն են խոսում անգլերեն։ Եթե նույնիսկ նրանք տիրապետում են լեզվին, նրանք չեն շտապում շփվել անգլերենով։ Այդ իսկ պատճառով խորհուրդ ենք տալիս ճանապարհորդությունից առաջ մի քանի արտահայտություն հավաքել։
Լեզուներ սովորելիս ինտերակտիվ ձեւաչափն ամենահարմարն է։ @atfrenchie օգտահաշվում դուք կարող եք գտնել արտահայտություններ ցանկացած նպատակով՝ բարում երկխոսությունից մինչեւ պաշտոնական իրադարձություններ: Ավելին, Թոմն ու Ալեքսը` աքաունթի տերերը, հիանալի կերպով նմանակում են ֆրանսիական կյանքի տեսարանները։ Մի խոսքով, լեզվի հիմունքները սովորելը հաստատ կստացվի։
Կենսաձեւ
Մշակութային ինտեգրումը բավականին բարդ բան է։ Նոր երկիր ժամանելուն պես դժվար է ինտեգրվելը։ Մտածողության «ստորգետնյա քարերն» ուսումնասիրելու համար շատ ժամանակ կպահանջվի։
Ամադայի tiktok օգտահաշվից (@americanfille) կարող եք սովորել գրեթե ամեն ինչ Ֆրանսիայում կյանքի մասին: Նա պատմում եւ նույնիսկ ցույց է տալիս, թե ինչպես պաշտպանվել ձեզ տեղի գրպանահատներից, որ վիզան է լավագույնը եւ որտեղ վարձել գեղեցիկ փոքրիկ բնակարան համեմատաբար մատչելի գումարով:
Տուրիստական խորհուրդներ
Հոգնե՞լ եք զբոսաշրջային վայրերից: Ոչ մի խնդիր. @seemyparis օգտահաշիվը հրապարակում է Փարիզի էսթետիկ կադրեր՝ նկարահանված բոլորովին անսպասելի տեսանկյունից։
Օգտահաշիվը վարում են մի խումբ աղջիկներ: Նրանցից մեկն, ի դեպ, Մարիաննա անունով հայուհին է։