Chanel-ը ներկայացրել է բարձրակարգ զարդերի հավաքածու

21:48   26 հունիսի, 2023

Chanel-ը Լոնդոնում ներկայացրել է բարձրակարգ զարդերի հավաքածու։ CHANEL Fine Jewellery Creation Studio-ի տնօրեն Պատրիս Լեգերոն որոշել է չշեղվել նորաձեւության տան ակունքներից՝ TWEED DE CHANEL բարձր ոսկերչական նոր հավաքածուն ստեղծելիս։

«Թվիդին նվիրված այս նոր «High Jewellery» հավաքածուով ես ցանկացա ավելի խորը մեկնաբանել՝ թանկարժեք քարերից ստեղծելով կտոր, որը թեթեւ ու ճկուն է», - ասել է Լեջերոն:

Տվիդն առաջին անգամ ներկայացվել է տան հիմնադիր Գաբրիել Շանելին 1920-ականներին Վեսթմինսթերի դուքսի հետ ունեցած հարաբերությունների շնորհիվ: Ինչպես ասվում է պատմության մեջ՝ նա վերցրել է նրա թվիդ բաճկոնները, այնուհետեւ վերաիմաստավորել դրանք: Հետո նա ոճը ներկայացրել է իր հաճախորդներին եւ ծնվեց CHANEL-ի խորհրդանշական թվիդը:

Այնուհետ թվիդը հայտնվեց CHANEL ոսկերչական աշխարհ՝ որպես 45 կտորից բաղկացած հավաքածու 2020 թվականին: Դա միայն սկիզբն էր, քանի որ այս տարի Լեջերոն այն կրկին հետ բերեց։ Այս անգամ դրանից ստեղծվել են High Jewelry-ի 63 ցնցող կտոր։ «Իմ երազանքն էր թվիդե կոստյում ստեղծել թանկարժեք քարերից», - ասել է Լեջերոն:

шанель.jpg (33 KB)

шанель1.jpg (62 KB)

Շլացուցիչ հավաքածուն ներկայացվում է հինգ նոր թվիդային հյուսվածքներով: Յուրաքանչյուրն իր գույնով եւ Գաբրիել Շանելի համար նշանակալի հինգ սրբապատկերներից մեկով:

шанель2.jpg (74 KB)

шанель3.jpg (27 KB)

Այն ներառում է սպիտակ ժապավեն, վարդագույն կամելիա, գիսաստղ կապույտ ֆոնի վրա, դեղին արեւ ու կարմիր ճառագայթներով կետավոր առյուծ։



© NEWS.am STYLE