Բրիտանացի աշակերտուհին ժամանել է իր ավարտական երեկոյին դագաղի մեջ, որը տարել են նրա եղբայրն ու հայրը, նախքան կարմիր գորգի վրա «կյանքի վերադառնալը»:
16-ամյա Աբի Ռիկեթսն աղմուկ է բարձրացրել Trinity Academy-ում, երբ ժամանել է սեւ Volvo XC90-ով, ոտքից գլուխ հագած սեւ ժանյակավոր զգեստ, ժանյակավոր զուգագուլպաներու երկարաճիտ կոշիկներով: Դագաղը գորգի եզրին դնելուց հետո, ընտանիքը հնչեցրել է շվեդական Ghost ռոք խմբի «Year Zero» երգը, Ռիկետսը բացել է աչքերը եւ դագաղից վեր կացել ապշած ամբոխի բուռն ծափահարությունների ներքո:
«Բոլորը ծափահարում եւ բղավում էին»,- ասել է Ռիկեթսը Kennedy News-ին։ «Նրանք բոլորը ապշած էին»։ Նրա խոսքով՝ ինքը միշտ ցանկացել է աչքի ընկնել եւ երբեք «ամբոխի հետեւից» չընկնել։
«Իմ ուսուցիչներն ասացին, որ դա զարմանալի է, նրանք երբեք նման բան չէին տեսել, եւ որ այն կմնա պատմության մեջ», - հավելել է Ռիկեթսը: «Շատ մարդիկ եկան ինձ մոտ ավարտական երեկոյին եւ ասացին, որ դա զարմանալի է: Ինչ-որ մեկն ասաց, որ եթե լավագույն կատարման համար մրցանակ լիներ, ես կշահեի: Իմ ընտանիքը նույնպես կարծում էր, որ դա հիանալի է»:
Չնայած այդ առիթի համար իսկական դիակառք պատվիրելու փորձին, Ռիկեթսն ասել է, որ ոչ ոք իրեն թույլ չի տվել վերցնել այն երեկոյի համար: Փոխարենը, աղջկա հայրը վերանորոգել է Facebook-ի միջոցով իրենց գտած դագաղը։
Աղջկա հայրը՝ Ալան Ռիկեթսը, հայտարարել է, որ այդ ամբողջ գաղափարը ստիպեց «հպարտանալ» դստերով, եւ նա երջանիկ է եղել օգնել։