Կինը ավելի քան 100,000 դոլար է ծախսել պլաստիկ վիրահատությունների վրա՝ իրեն պլաստիկ Բարբիի կերպարանափոխելու համար
22:21 6 հուլիսի, 2023Շվեդուհին վերջին 10 տարիների ընթացքում գրեթե 127 280 դոլար է ծախսել պլաստիկ վիրահատությունների վրա՝ փորձելով դառնալ իսկական Բարբի տիկնիկ։ Ալիսիա Ալմիրան հայտնել է, որ մի քանի տարի առաջ թողել է իր եկամտաբեր PR աշխատանքը՝ դառնալով ինքնահռչակ «բիմբո աղջիկ»:
Truly-ին տված ցնցող հարցազրույցում Ալմիրան բացահայտել է, որ երկու անգամ մեծացրել է կուրծքը, ռինոպլաստիկա է արել, ճակատի, աչքերի, այտերի, ծնոտի եւ շուրթերի շուրջ ֆիլերներ է արել, ինչպես նաեւ՝ մի շարք դեմքի ձգումներ:
«Իդեալական տեսքը, որը ես ցանկանում եմ ձեռք բերել, ֆանտաստիկ սեքս-տիկնիկն է»,-ասել է 33-ամյա Ալմիրան՝ հավելելով, որ վիրահատությունները «կախվածություն են առաջացնում»:
Թեեւ Ալմիրան արդեն մի քանի գեղեցկության միջամտություն է արել, նա ասում է, որ մտադիր չէ մոտ ժամանակներս դադարեցնել, թեեւ դա արժենում է ամսական 2550-ից 3820 դոլար: Չեմ կարծում, որ երբեւէ կդադարեմ վիրահատություններ անել»,-մտածում էր շիկահերը: «Դա բիբիֆիկացիայի հսկայական մասն է»:
Ալմիրան, ով ունի լայնածավալ դաջվածքներ, երկարացված թարթիչներ եւ եղունգներ, սովորականից երեք անգամ ավելի երկար, ասում է, որ իրեն միշտ տարել են ծայրահեղությունների մեջ եւ 9 տարեկանից ցանկացել է բիմբո դառնալ:
Նա իրեն անվանում է «հակաֆեմինիստ» եւ կարծում է, որ կանայք եւ տղամարդիկ չպետք է հավասար լինեն։ «Կարծում եմ, որ կնոջ դերը իր տղամարդուն հաճեցնելն է եւ հնարավոր լավագույն տիտղոսակիր կին լինելը»,-ասել է Ալմիրան: «Ես հաճույք եմ ստանում նրա համար ճաշ պատրաստելուց, տունը մաքրելուց, ստիպել նրան վերանորոգել իր մեքենան եւ հնձել սիզամարգը»:
OnlyFans-ի աստղը պնդում է, որ գենդերային դերերն այնքան են լղոզվել, որ հասարակության մեջ շատ մարդիկ փորձում են լինել այնպիսին, ինչպիսին նրանք չեն: «Ես ամբողջ սրտով հավատում եմ ավանդական գենդերային դերերին եւ կանացի որակներն օգտագործելու հնարավորությանը»,-նշել է Ալմիրան:
2016-ին Ալմիրան հիմնել է Bimbo Movement-ը, որպեսզի կոտրի «հիպերկանացի եւ հիպերսեքսուալ պլաստիկ արարածների» կարծրատիպերը: