Մաեստրոյի ծննդյան օրը. 3 փաստ Ջորջիո Արմանիի մասին
16:20 12 հուլիսի, 2023Իտալական նորաձեւության հիմնասյուներից մեկը դառնում է 89 տարեկան։ NEWS.am STYLE -ը հավաքել է անսպասելի ու հետաքրքիր դրվագներ դիզայների կյանքից։
Արմանին պետք է բժիշկ դառնար
Արմանին մտադրվել էր նվաճել բարձունքները բժշկական ոլորտում։ Սակայն, թողնելով ճշգրիտ գիտությունները, նա գնաց նորաձեւության մեջ։ 1957 թվականից որպես գնորդ աշխատել է Միլանի La Rinascente հանրախանութում։ Յոթ տարի այս պաշտոնում աշխատելուց հետո նա սկսեց իր կարիերան որպես մոդելավորող՝ սովորելով Նինո Չերրուտիի ատելյեում։ 1975 թվականին Արմանին իր ընկերոջ եւ բիզնես գործընկեր Սերջիո Գալեոտտիի օգնությամբ թողարկեց տղամարդկանց ու կանանց համար նախատեսված հագուստի իր սեփական ապրանքանիշը:
«Ամերիկյան ժիգոլո» ֆիլմը 1980 թ. օգնեց դիզայներին ձեռք բերել համընդհանուր ժողովրդականություն
Դերասան Ռիչարդ Գիրի պահարանը լցված էր ապագա «մաեստրոյի» պատվերով պատրաստված հագուստներով։ Այսպիսով, ֆիլմի երկրպագուներն անհագ պահանջ ունեին Արմանիի մինիմալիստական ոճի նկատմամբ։ Հետագայում շատ հոլիվուդյան աստղեր հետեւեցին Գիրի օրինակին եւ դարձան իտալացի դիզայների կերպարների ջահակիրները։
Արշավ ոլորտում՝ «հանուն» ՏՏ հեղափոխության
2007 թվականին Արմանին դարձավ Samsung-ի գործընկերը։ Նրանք միասին ստեղծեցին շքեղ LCD հեռուստացույց եւ բջջային հեռախոս՝ Armani's lifestyle արտադրանքի շարքի ընդլայնման շրջանակներում: Նույն տարի Armani Privé-ի գարուն/ամառ շոուն հեռարձակվեց ամբողջ աշխարհում Microsoft-ի MSN վեբ պորտալի եւ Cingular բջջային հեռախոսների միջոցով: Այսպիսով, իտալացին դարձավ առաջին մոդելավորողը, ով ուղիղ եթերով հեռարձակեց բարձր նորաձեւության ցուցադրությունը համացանցում։