Ինչքան ցածր, այնքան լավ. ինչպե՞ս կրել low-rise տաբատները
15:20 26 օգոստոսի, 2023Աշխարհի պոդիումներում նկատված ամենավերջին թրենդը ցածր գոտկատեղով լայն տաբատներն են: Այս մոդելը մի քանի սեզոն է՝ չի իջնում պոդիումից։ Y2K ուրվագիծը հանրահռչակում են այնպիսի ապրանքանիշեր, ինչպիսիք են MSGM-ը, Stella McCartney-ն եւ Isabel Marant-ը:
Մերկ փորը, վերնաշապիկները ծայրահեղ կարճ ժապավեններով եւ ֆլիպֆլոպներով. այս ամենը արթնացնում է 2000-ականների ոգին: Այժմ Երեւանի փողոցներում երիտասարդներն ակտիվորեն վերադառնում են այս դարաշրջան։ Ճիշտ է, ի տարբերություն Փերիս Հիլթոնի եւ Քիմ Քարդաշյանի օրերի, այս միտումն ավելի ընդգրկուն է դարձել։ Այն սկսել են կիրառել ոչ միայն նիհար իրան ունեցող մոդելները։
Blumarine
Ի՞նչ կկրեր Փերիս Հիլթոնը 2023 թվականին․ միանշանակ՝ blush pink երանգի ջինսեր։
MiuMiu
Իտալական ապրանքանիշը երբեք չի դադարում խաղալ երկարության հետ։ Տեսանելի ներքնազգեստով գերկարճ կիսաշրջազգեստները դարձել են ամենապահանջվածներից, իսկ այժմ այս թրենդը հասել է նաեւ տաբատներին։
MSGM
Համադրեք ձեր նախընտրած low-rise ջինսե տաբատը կարճ վերնաշապիկի կամ համարձակ բլեյզերի հետ: Որքան մերկ է մարմինը, այնքան լավ։
Fendace
Versace by Fendi շոուից այլ բան հնարավոր չէր սպասել։ Դիզայներներն առաջարկում են վերադառնալ լոգոմանիային եւ ընդգծել ջինսե տաբատի համապատասխանությունը զանգվածային գոտիով։
Zimmermann
Բաճկոնը կամ ժիլետը հիանալի կերպով կլրացնեն ցածր գոտիով տաբատը։ Նշենք, որ տաբատի համար ավելի լավ է ընտրել վառ գույներ։ Օրինակ՝ մետալիկ։ Բարձրակրունկները կամբողջացնեն։
