«Սեքս-թերապեւտը» «փրկում է» ամուսնությունները՝ կանանց խնդրանքով սեքսով զբաղվելով ամուսինների հետ

Նախկին «գիշերային թիթեռնիկը», որն իրեն սեքս-թերապեւտ է անվանում, պնդում է, որ «փրկում է ամուսնությունները»՝ սեքսով զբաղվելով իր «հաճախորդների» հետ: Օլիվիա Բենթլին վստահ է, որ իր «աշխատանքը» «փոխում է կյանքը»։

Սեքս-արդյունաբերության 15-ամյա «վետերանը» պնդում է, որ կանայք խնդրել են իրեն սեքսով զբաղվել իրենց ամուսինների հետ: «Որոշ կանայք ասում են, որ միշտ չէ, որ ցանկանում են դրանով զբաղվել, բայց ուզում են իմանալ, թե ով եմ ես, որպեսզի թույլ տան, որ իրենց ամուսինները դա ինձ հետ անեն»,-ասել է 46-ամյա կինը, որն իր ծառայությունների դիմաց տարեկան վաստակում է 500 000 դոլար:

Ննջասենյակից դուրս Բենթլին, ով շաբաթական ընդունում է մինչեւ 10 հաճախորդի, իր հաճախորդներին առողջ սեռական կյանք վարելու էմոցիոնալ աջակցություն եւ խորհուրդներ է տալիս։

«Ես միշտ շատ նուրբ եւ ուշադիր եմ նրան կանանց նկատմամբ: Եթե ​​կինն իրեն լավ է զգում, ուրեմն մենք լավ ժամանակ ենք անցկացնում, իսկ ամուսինը շատ շնորհակալ է լինում նրանց այս փորձառության համար»։

Թեև Բենթլին չունի պաշտոնական «խորհրդատուի որակավորում», նա կրթության ոլորտում ունի մագիստրոսի կոչում, իսկ սեքսի ոլորտում իր փորձի մեծ մասը ձեռք է բերել Նեւադայի օրինական հասարակաց տանը՝ Moonlite BunnyRanch-ում աշխատելու ընթացքում:

Ինքնակոչ սեքս-թերապեւտը դատապարտել է «անարդար» կանանց, ովքեր հրաժարվում են բավարարել իրենց զուգընկերոջ սեռական ցանկությունները: «Ես գիտեմ, որ կան շատ հարաբերություններ առանց սեքսի եւ շատ դժբախտ տղամարդիկ»,-ասել է նա:

Բենթլիի տղամարդ հաճախորդները, ովքեր «մի քանի տարի» ապրել են իրենց կանանց հետ, հայտարարել են, որ իրենց «սեքսուալ կյանքը մարում է», իսկ իրենք կարիքները «բավարարում են մեկ ուրիշի», ոչ թե իրենց կանանց հետ:

Բենթլին նաեւ խորհուրդ է տալիս իր հաճախորդներին պահպանել մարզավիճակը, ինչը, ըստ նրա, կարող է բարձրացնել լիբիդոն: «Որքան սպորտային ես, այնքան ավելի շատ սեքս ես ուզում, դու քեզ ավելի ինքնավստահ ու գրգռված ես զգում»,-բացատրել է կինը, որը եւս ֆիթնեսի սիրահար է: