Victoria's Secret-ը վերաիմաստավորել է հրեշտակի արխիվային թեւերը

Victoria's Secret-ը ներկայացրել է «My Wings, My Way» արշավը, որին մասնակցում են աստղեր եւ հայտնի մոդելներ։ Արշավը նպատակ ունի վերաիմաստավորել Victoria's Secret-ի հմայքը եւ իր խորհրդանշական թեւերը:

Յուրաքանչյուր մոդել առանձնանում է արխիվային զույգ թեւերով, որոնք արտացոլում են անհատական ​​ոճն ու հիշեցնում ապրանքանիշի նախկին ստորագրությունը: Քարոզարշավին մասնակցում են նաեւ Ադվոա Աբոան, Լիլա Մոսը, Էմիլի Ռատակովսկին, Վինի Հարլոուն, Հեյլի Բիբերը եւ Ջուլյա Ֆոքսը:

Իր շարունակական ռեբրենդինգի վաղ փուլերում Victoria's Secret-ը «թաղել է» իր հրեշտակներին հօգուտ VS Collective-ի 2021 թվականին՝ ի պատասխան ապրանքանիշի բազմազանության բացակայության ու գեղեցկության անիրատեսական չափանիշների պահպանման վերաբերյալ տարիներ շարունակ հնչող քննադատություններին:

Երկու տարի անց ապրանքանիշը շարունակում է քայլեր ձեռնարկել իր շուկայավարման արդիականացման եւ ավելի բազմազան լսարանի սպասարկման ուղղությամբ: