Սաուդյան Արաբիայի արքայազն Մուհամմեդ բեն Սալմանը շարունակում է ընդլայնել «ապագայի քաղաք» Նեոմը՝ Epicon նախագծով, որը կներառի երկու աշտարակ, որոնք «ձեռնոց կնետեն» գրավիտացիային:
Ինչպես հայտնում է Luxurylaunches-ը, Epicon-ը պրեմիում զբոսաշրջային ուղղություն է Աքաբայի ծոցի երկայնքով:
Անապատում կբարձրանան երկու ապշեցուցչ աշտարակներ՝ 225 եւ 274 մետր բարձրությամբ։ Այս աշտարակները նախատեսված են շքեղ հյուրանոցի նախագծով, ներառյալ 14 լյուքս համարներ եւ բնակարաններ: Ըստ Arabnews-ի՝ Epicon-ը կունենա նաեւ 120 սենյականոց հանգստավայր՝ 45 ծովափնյա վիլլաներով:
Epicon-ի հյուրերն ու բնակիչները կարող են վստահ լինել, որ անմոռանալի փորձ կկուտակեն: Շքեղ բնակավայրերը եւ ծովափնյա վիլլաները նախագծված են կյանքի նոր մակարդակ ապահովելու համար: Epicon աշտարակներն իրենց նրբագեղ ճարտարապետությամբ խոյանում են դեպի երկինք՝ կարծես կյանքի կոչելով ապագայի մի նոր մասնիկ:
Հյուրանոցը, որը գտնվում է Աքաբայի ծոցում, ելք կունենա դեպի Կարմիր ծով, ինչը թույլ կտա զբաղվել ջրային սպորտով եւ բնության ուսումնասիրությամբ: