Լալա Մնացականյանի հոգեհանգստի արարողությունը՝ Կոնդի Սուրբ Հովհաննես եկեղեցում (ՈւՂԻՂ)

«Կապ» մշակույթի և մարդկանց միջև

Հումորը հաղթահարելու մեխանիզմներից մեկն է, որը եթե չանես կգժվես. Նարեկ Մարգարյան

Համլետ. նոր հայացք դասական դրամային

Այնքան ճշմարտություններ ասվեցին այդ օրը, որ ծրագիրը փակեցին. Արթուր Բախտամյան

Գունավոր մարդիկ, բարձր տրամադրություն. Գույների փառատոնը՝ Երեւանում

Football Fest. մրցույթներ, չելենջներ ու մարտահրավերներ

Երևանում պաշտոնապես բացվեց Armflix-ի գրասենյակը

Էսօր քշել չկա, էսօր գինու փառատոն ա

Տոտալ դրամա Երեւանում

«Ազգային երգիչ 2»-ի մեծ համերգը, Սամվելի նոր երգը, ու մասնակիցներն՝ իրենց նոր բենդի մասին (VIDEO)

Stylish Faces. Աստղիկ Սաֆարյան. «Ասել եմ՝ չեմ սիրում, ու հեռացել եմ սիրելով»

Տիհանա Vibes. Dasein-ը սիրո եւ տարբերվող մարդկանց մասին է

«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

Նվիրվում է «Գահերի խաղի» երկրպագուներին, կամ «Սյոգուն» սերիալը՝ որպես տարվա գլխավոր թողարկում

17:44, 7 ապրիլի

Թողարկվել է «Սյոգուն» սերիալը՝ 80-ականների համանուն սերիալի ռիմեյքը, որը նկարահանվել է վեպի հիման վրա։

Սերիալը պատմում է խաղաղօվկիանոսյան նավաստու մասին, ում նավը խորտակվում է Ճապոնիայի ափերի մոտ՝ դարձնելով նրան երբեւէ այդ երկիր այցելած առաջին անգլիացին։ Շուտով Ադամսն ու նրա օգնականը ծառայում են սյոգունի մոտ՝ դառնալով սամուրայներ։ Օրիգինալ սերիալը ստացել է բազմաթիվ մրցանակներ՝ «Ոսկե գլոբուսից» մինչեւ «Էմմի», եւ ժամանակին շատ տարածված է եղել:

Եվ չնայած մինչ այժմ թողարկվել է ժամանակակից ռիմեյքի ընդամենը 7 դրվագ, սերիալն արդեն իսկ շահել է հեռուստադիտողների եւ քննադատների սերը․ շատերը «Սյոգուն»–ի նախնական հաջողությունը համեմատում են «Գահերի խաղ»–ի գրանցած հաջողության հետ։

Սերիալի գլխավոր դերը խաղացել է Հիրոյուկի Սանադան, որը հայտնի է այնպիսի ֆիլմերով, ինչպիսիք են «Ռոսոմախա»-ն եւ «Ջոն Ուիք»-ը։

Շոուի բարձր վարկանիշն ու գովասանքները գալիս են մի քանի հիմնական գործոններից: Նախ, ռիմեյքը նոր հայացք է նետում հերոսին և իրադարձություններին՝ պահպանելով նախնական ավանդույթը: Եթե ​​սկզբնական սերիալում բոլոր հիմնական իրադարձությունները կապված էին գլխավոր հերոսի հետ, ապա ժամանակակից տարբերակում մյուս հերոսների կերպարային սյուժեները նույնքան ակտիվ են զարգանում, որքան գլխավորինը:

Մեծ նշանակություն ունի նախագծի բյուջեն, որը հնարավորություն է տվել տեսարաններն ավելի գունեղ ու հիշարժան դարձնել։ Ժամանակակից տարբերակում կադրերն ավելի մասշտաբային են ու գեղարվեստական: Բնական է՝ ստուդիայի հնարավորությունները դա թույլ են տալիս:

Սերիալի եւ «Գահերի խաղի» միջեւ հեռուստադիտողների համեմատությունները բխում են մեծ քանակությամբ ինտրիգներից եւ քաղաքական դավադրություններից: Եթե ​​սկզբնական սյուժեում դա ցուցադրվում էր միայն մի կողմից, ապա ժամանակակից ադապտացիայի մեջ իշխանության համար ինտրիգները պտտվում են մի քանի կերպարների շուրջ, ինչը հեռուստադիտողին էլ ավելի է ընկղմում հարաբերությունների խճճված թելի մեջ։

Ճապոնացիները արյունոտ տեսարանների վարպետ են, ինչը պարզ երեւում է սերիալում։ Միայն այն տեսարանը, որտեղ մարդասպանը կտրում է իր զոհերի գլուխները, եւ նրանք արյունահոսում են, հնարավորինս բնական է նկարահանվել, եւ ստիպում է, որ ցանկանաս հետ տալ ու կրկին նայել այն: Ոչ միայն բռնության տեսարաններն են ցնցող, այլեւ համայնապատկերային կադրերն ու խոշոր պլանները․ սամուրայների պատկերները, ճապոնական բնապատկերները եւ հերոսների դեմքերի խոշոր պլանները հաճախ գրավում են դիտողի ուշադրությունը: Չնայած ակնհայտ տեսողական մինիմալիզմին, որոշ կադրեր ստիպում են ձեզ կանգ առնել եւ ուսումնասիրել դետալները: Ավելին, սյուժեի դանդաղ ընթացքը թույլ է տալիս դա անել կադրերը վայելելով։

«Սյոգուն»-ի վառ, թարմ եւ ուժեղ մեկնարկն այնքան խոստումնալից է, որ վերջնական դրվագի թողարկմանն ընդառաջ կարելի է ակնկալել օվացիաներ։ Այնուամենայնիվ, ինչպես հաճախ է պատահում, շփոթվելու վտանգ կա, եթե կենտրոնանաք միայն պատկերի եւ քաղաքական ինտրիգների վրա:

Ռեգինա Մելիքյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել