Ամռան մոտենալուն զուգահեռ, ցանկանում ենք ավելի սլացիկ ու գրավիչ տեսք ունենալ: Կանայք կատարելության հասնելու ճանապարհին չեն ձանձրանում, երանելի 90-60-90-ին հասնելու համար երեւակայությունն ու հնարամտությունը սահման չունեն: Դիետոլոգները նիհարելու նորանոր միջոցներ են հնարում, որոնք կարճ ժամանակահատվածում բացառիկ արդյունքներ են խոստանում:
Նորաձեւության վերջին միտումները ենթադրում են ոչ միայն սննդի սահմանափակում, այլեւ սննդակարգի ընդունման փիլիսոփայություն: Առաջարկում ենք ծանոթանալ դիետոլոգիայի բնագավառի վերջին միտումներին:
Համաշխարհային ֆինանսական ճգնաժամն ամերիկացի Էմմի Գրոսմանին ստիպեց խնայողության տեսանկյունից վերանայել իր սննդակարգը: Այդպիսով էլ առաջացավ «սպարտայական դիետան»:
Վերջինը հիմնված է սպարտայական ավանդույթների վրա, որոնք, ինչպես հայտնի է, աչքի էին ընկնում խիստ ասկետիզմով: Այդ վերաբերում էր ինչպես սննդին, այնպես էլ հագուստին ու հարմարություններին: Դրա հետ մեկտեղ, սպարտացիներն առանձնանում էին ամուր առողջությամբ եւ տոկունությամբ: Սպարտայական դիետայի կողմնակիցները վստահ են, որ սննդի չափից շատ օգտագործումը հանգեցնում է հոգեւոր ու մտավոր թերզարգացման:
Սպարտայական դիետան ենթադրում է պարզ ցածր սննդարարություն ունեցող մթերքների օգտագործում, որոնց ընդհանուր սննդարարությունը կազմում է օրական 1500 կալորիա: Այդ բավական է ինչպես ակտիվ կյանքի, այնպես էլ ավելորդ կիլոգրամներից ազատվելու եւ օրգանիզմի վիճակը բարելավելու համար:
Մակրոբիոտիկ դիետան ոչ միայն դիետա է, այլեւ փիլիսոփայական համակարգ, որի հիմքում արեւելյան մշակույթն է: Այս մեթոդի համաձայն, բոլոր մթերքներն ին եւ յան են: Ինը կանացի սկզբունք է, ներսից բխող էներգիա, որը թուլացնում է, սառնություն բերում, խոնավություն, բնորոշվում է պասիվ ու քաղցր համով։ Յանն իր հերթին տղամարդկային տարր է, ամրացնող ու ջերմացնող։ Ուտել թույլատրվում է բացառապես բուսական մթերք, դրա հետ մեկտեղ, կարեւոր է ինչպես ինի եւ յանի հարաբերակցությունն ուտեստների մեջ, այնպես էլ դրանք պատրաստելու մշակույթն ու ուտելու ընթացքում վարքագիծը։ Ուտեստների պատրաստումն ազդում է դրանց էներգիայի վրա, մթերքների երկար պատրաստումը մեծացնում է նրանց յանը։ Այն նվազագույնի հասցնելու համար անհրաժեշտ է դրանք գոլորշու վրա պատրաստել։ Ամեն ինչ պետք է փորձել հում ուտել։ Այս դիետային հետեւելիս պետք է հրաժարվել մսից, հավից, ձվից եւ կաթնամթերքից։ Կարելի է քիչ քանակությամբ ձուկ ուտել, խեցգետնազգիներ եւ մրգեր։ Կարելի է բարդ ածխաջրեր օգտագործել, օրինակ՝ շագանակագույն բրինձ, ցորեն, գարի, եգիպտացորեն, հնդկաձավար։
«5:2 դիետա». նիհարելու այս միջոցը շատերին է հարմար, քանի որ այն, ըստ էության, չի ենթադրում սննդի լուրջ սահմանափակումներ՝ բացառությամբ երկու շաբաթի։ Դիետայի էությունն այն է, որ շաբաթը 5 օր կարելի է սովորական սննդակարգով սնվել, իսկ 2 օր անհրաժեշտ է բեռնաթափվել։ Տղամարդկանց այդ օրերին թույլատրվում է 600 կկալ ընդունել, իսկ կանանց՝ մինչեւ 500 կկալ։ Մթերքների ընտրությունը դուք եք կատարում, կարելի է ուտել մեկ կալորիական ուտեստ կամ մի քանիսը՝ ցածր կալորիականությամբ:
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները