Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Երեւան. որտեղ խմել հանգստյան օրերին

20:17, 22 մարտի

Ուրբաթն ու շաբաթը հարմար ժամանակ են աշխատանքային ծանր շաբաթից հետո թուլանալու համար: Երեւանի խմելու հաստատություններն ընտրության լայն հնարավորություն են ընձեռում՝ ցանկացած ճաշակի եւ հնարավորության համար: Նորաձեւ միտումների շարքում գինու խանութ-սրճարաններ կան, որտեղ կարելի է լավ գինի փորձել, նախուտեստներ եւ այդ աստվածային խմիչքի ծագման մասին բավական հետաքրքիր պատմություններ լսել: Գինի խմելու մշակույթը ենթադրում է ճամփորդություն դեպի Բաքոսի աշխարհ, որը ոչ միայն համային, այլեւ ինտելեկտուալ վայելք է:

Նախօրեին NEWS.STYLE-ի թղթակիցն ընկերների հետ այցելել է նմանատիպ հաստատություն՝ Երեւանի կենտրոնում գտնվող «Սոմելիե»: Այն ոչ շատ մեծ հաստատություն է, որի առաջին հարկում խանութ է, իսկ ձեղնահարկի հատվածում՝ փոքրիկ տարածք, որը սահմանափակ այցելուների համար է նախատեսված: Պատերին շշեր ու գրքեր են, թույլ լուսավորություն, հիանալի դիզայն: Կարմիր չոր գինու բաժակի շուրջ այստեղ ամեն բան տրամադրում է երկար փիլիսոփայական զրույցի, ինչպես նաեւ քննարկումների, թե Ֆրանսիայի ո՞ր ափից է այս կամ այն խաղողի տեսակը:

Այստեղ գինու հետ պանրի կամ մսի տեսականի են մատուցում: Մենք փորձեցինք նաեւ սաղմոնով եւ մարսկապոնե պանրով բրուսկետե, որը հիանալի համադրվում էր հայկական «ArmAs» վարդագույն գինու հետ: Ի դեպ, վերջինն անսպասելի ու հաճելի բացահայտում դարձավ ինձ համար: Այն զարմանալիորեն թեթեւ գինի է, որի մեջ ելակի համ է զգացվում եւ պատրաստված է տեղական «կարմրահյութ» տեսակի խաղողից: Նշեմ, որ մեկ շշով չեք բավարարվի: Ընտրությունն այնքան մեծ է, որ դժվար է կողմնորոշվել, դրա հետ մեկտեղ, գներն ընտրված են յուրաքանչյուր այցելուի գրպանին հարմար՝ մեկ շշի համար 2000 դրամից մինչեւ 25-30.000: Հաստատության եւս մեկ դրական կողմն այն է, որ այստեղ չեն ծխում: Բացի այդ, հաճելիորեն զարմացրեց մատուցողի գիտելիքները խաղողի տեսակների վերաբերյալ, այնպես որ՝ եթե գինիներին լավ ծանոթ եք, այստեղ արժանի զրուցակից կգտնեք:

Հետո որոշեցինք ուրբաթօրյա խմելը շարունակել «Royal Martini» գլամուր հաստատությունում: Մթնոլորտն այստեղ «Սոմելիե»-ի ճիշտ հակառակն էր: Այս հաստատության դրական երեւույթներից մեկը հանճարեղ բարմենն էր: Կոկտեյլներն այստեղ շատ լավ են պատրաստում, ոչ մի խաբեություն: Կոկտեյլների ցանկն այնքան մեծ էր, որ դժվար էր ընտրելը, այդ պատճառով լավ կլինի անմիջապես բարմենի հետ խորհրդակցել, ով հարցերին ստեղծագործական հմտությամբ է մոտենում: Նա այնպիսի համադրությամբ է ապշեցնում ձեր համային ռեցեպտորները եւ միշտ հաստատության հաշվին ինչ-որ յուրօրինակ բան է հյուրասիրում: Այստեղ թեեւ գլամուր զանգված է հավաքվում, բայց ոչ պահանջկոտ: Պետք չէ ուշադրությունից դուրս թողնել խոհանոցը, հատկապես հաշվի առնելով այն, որ խոհարարը հատուկ Իտալիայից է հրավիրված: Այնպես որ՝ սպագետիների որակը չի կարելի կասկածի տակ առնել, ինչպես նաեւ աղանդերինը, որոնք նույնպես լայն տեսականիով են ներկայացված:

Յուլիա Վարդանյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել