Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Կայացավ «Կիսալուսնի ծովածոցը» ֆիլմի պրեմիերան

11:32, 28 մարտի

Երեկ՝ մարտի 27-ին, «Մոսկվա» կինոթատրոնում կայացավ ռեժիսոր Մարինե Զաքարյանի  «Կիսալուսնի ծովածոցը» ֆիլմի պրեմիերան: Ինչպես NEWS.am STYLE-ն արդեն տեղեկացրել է, «Կիսալուսնի ծովածոցը» ժապավենի հիմքում Վիլյամ Սարոյանի չորս նովելներն են, որոնք տարվա չորս եղանակներին ծավալվող պատմություններ են դառնում: Նախքան կինոդիտումը, ֆիլմի ստեղծագործական եւ դերասանական անձնակազմը հանդես եկավ մամլո ասուլիսով:


Ֆիլմի պրոդյուսեր Հովհաննես Գալստյանի խոսքով՝ շուրջ ութ ամիս բանակցություններ են վարել Վիլյամ Սարոյանի գրական ժառանգության իրավական տիրոջ՝ Սթենֆորդի համալսարանի հետ՝ նրա ստեղծագործություններն էկրանավորելու թույլտվությունը ստանալու համար: Արդյունքում՝ 2013 թվականին ստացել են այդ իրավունքը:

Ռեժիսոր Մարինե Զաքարյանը չի կարողանում ասել, թե ինչպես որոշեց ֆիլմ նկարել: «Ուղղակի այդպես ստացվեց»,- ասաց նա: Մարինեն նշեց, որ ցանկանում էր հասունացման մասին ֆիլմ նկարել, եւ ֆիլմում առկա բոլոր չորս պատմությունների կապող թելը հենց այդ է:

Ֆիլմի ստեղծմանն աջակցել է «Շարմ» հոլդինգը, որի ներկայացուցիչ Կարեն Ղազարյանը նշեց, որ թեեւ հոլդինգն առավելապես նկարահանում է ժամանցային ֆիլմեր, սակայն նման խորը ժապավենները պարզապես անհրաժեշտություն են: «Ամեն բան պետք է անել, որպեսզի մեծ գրողների գործերը տեղ հասցվեն, մանավանդ հիմա, երբ երեխաները այդքան գիրք չեն կարդում»,-ասաց նա՝ ընդգծելով, որ ֆիլմն ընտանեկան է եւ այն պետք է դիտել երեխաների հետ միասին:

Պատասխանելով լրագրողներից մեկի հարցին, թե հե՞շտ էր աշխատել երեխաների հետ, ռեժիսոր Մարինե Զաքարյանն ասաց, որ նկարահանման հրապարակում երեխաներին թելադրում էին կանոնները, բայց բոլորը արագ միմյանց հասկանում էին: «Ունիվերսալ մարդկային լեզու կար, որ գալիս է Սարոյանից»,- նշեց նա:

Ֆիլմի ստեղծագործական խումբը պատրաստվում է այն միջազգային շուկա դուրս բերել՝ ներկայացնելով փառատոնների եւ կինոշուկաների ժամանակ:

«Կիսալուսնի ծովածոցը» լիամետրաժ խաղարկային ֆիլմ է, որի գործողություններն ընթանում են «Կիսալուսնի ծովածոց» կոչվող քաղաքում: Հերոսները պատանիներ են, որոնց անկեղծ ու ազնիվ հայացքը կյանքին ֆիլմի հիմնական առանցքն է:

Ֆիլմում նկարահանվել են Սոս եւ Կարեն Ջանիբեկյանները, Աշոտ Ադամյանը, Նարինե Գրիգորյանը, Նանոր Պետրոսյանը, Վիվիեն Բաստաջյանը, Արա Սարգսյանը, Սամվել Վարդանյանը, Ալեքս Բաբայանը, Անի եւ Սոնա Գալստյանները, Սարգիս Հարությունյանը և այլք:

Պատրաստեց՝ Շուշան Շատիկյանը


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել