• Մալդիվների ամենաթանկ հանգստավայրի ներսում

  Երբ Soneva Secret-ը բացվեց ապրիլի սկզբին, այն աշխարհի ամենաթանկ հյուրանոցային ուղղություններից մեկում՝ Մալդիվներում, անմիջապես դարձավ ամենաթանկ հանգստավայրը․․․

• Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

  Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը․․․

• Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար

  Միշլենի հեղինակավոր ուղեցույցը ներկայացրել է իր առաջին Michelin Keys վարկանիշը՝ Ֆրանսիայի հյուրանոցների համար՝ ներխուժելով հյուրանոցային ոլորտ․․․

• Daily Express. Եթե ցանկանում եք բացահայտել Եվրոպայի ամենատպավորիչ գաղտնիքներից մեկը, գնացեք Հայաստան

  Շշմեցնող Հայաստանն այն ուղղություններից է, որտեղ ավելի քիչ զբոսաշրջիկների կտեսնեք, քան մայրցամաքի շատ այլ երկրներոիմ, բայց սա շուտով կարող է փոխվել, քանի որ այնտեղ զբոսաշրջիկների թիվը սկսում է աճել․․․

• Հինգ ամիս, 40 երկիր եւ շքեղ նավարկություն, որտեղ լյուքս համարներն արժեն մինչեւ 1,7 միլիոն դոլար

  Պիկասոյի ստեղծագործությունները, ռոյալներ եւ անձնական սպասավորներ. բարի գալուստ Regent Seven Seas-ի շքեղ նավարկությունների ապագա․․․

• Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին զբոսանավի գործարկումով  

  Four Seasons-ը բարձրացնում է շքեղության մակարդակը Կարիբյան և Միջերկրական ծովում իր առաջին Four Seasons զբոսանավի թողարկումով: Սուպեր զբոսանավը նախագծվել է շվեդական Tillberg Design ընկերության հետ համատեղ...

• Աբու Դաբին նախատեսում է դրախտ ստեղծել գեյմերների համար. աշխարհում առաջին կիբեռսպորտի կղզին

  Աբու Դաբին գնում է Սաուդյան Արաբիայի հետքերով և նախատեսում է ստեղծել աշխարհում առաջին eSports կղզին, որն ընդգրկում է 500,000 քառակուսի մետր տարածք, որը խաղային դրախտ կլինի ամբողջ աշխարհի խաղացողների համար...

• Versace հյուրանոցը բացվել է Մակաոյում

  Versace հյուրանոցը բացվել է Մակաոյում։ Palazzo Versace Macau-ն՝ բրենդի առաջին հանգստավայրը Ասիայում, միավորում է բարոկկոյի և հին հունական ճարտարապետության դասական ազդեցությունները Դոնաթելլա Վերսաչեի ստեղծագործական ղեկավարության ներքո...

Բուլղարիա ուղեւորվելուց առաջ ավագ սերնդի ներկայացուցիչները ինձ խորհուրդ էին տալիս, թե ուր կարելի է այցելել ու ինչով հիանալ:

Ծնողներիս մեղրամիսն անցել էր Բուլղարիայում, այնպես որ ես «ուխտագնացության» համար շատ վայրեր այցելելու հնարավորություն ունեի:

Առաջին բառը, որ մենք արտաբերեցինք, տեսնելով Բուլղարիայի մայրաքաղաք Սոֆիան`«ո՞նց թե»-ն էր:

Մենք կարծում էինք, որ եկել ենք եվրոպական երկիր, բայց առաջինը, ինչ տեսանք խորհրդային շինություններն էին, հին կրպակներն ու անխնամ փողոցները: Պարզվեց, որ դա Սոֆիայի ծայրամասն է: Չնայած, որ մեր «Տրիադա» անունով հյուրանոցը կենտրոնին մոտ էր գտնվում, նրա շրջակայքը բարձիթողի վիճակում էր՝ լքված զբոսայգիներ, ջարդոտված մայթեր: Բայց, ահա, կենտրոնը շատ գեղեցիկ էր: Սոֆիայի սիրտը` Ալեքսանդր Նեւսկու վանական համալիրը` Բուլղարիայի ուղղափառ եկեղեցու պատրիարքության մայր տաճարը: Տաճարից ոչ շատ հեռու գտնվում է Բուլղարիայի խորհրդարանն ու Ազգային գրադարանը: Հետաքրքիրն այն էր, որ փողոցներն ու հրապարակները ոսկեզօծ էին ու այնպիսի տպավորություն էր, որ քայլում ես ոսկյա փողոցներով:

Սոֆիան մեծ քաղաք է` ավելի քան մեկուկես միլիոն բնակչությամբ ու նաեւ շատ հյուրընկալ: Երիտասարդությունը շատ լավ է տիրապետում անգլերենին, իսկ ավագ սերունդը` ռուսերենին: Առաջին կինը, որին մոտեցա հարցնելու, թե որտե՞ղ կարելի է դրամ փոխանակել ու ճաշել, ոչ միայն ճանապարհը ցույց տվեց, այլեւ մանրամասն բացատրեց, թե որտեղ կարելի է միաժամանակ համեղ ու մատչելի սնվել: Ինձ այդպես էլ չհաջողվեց փորձել իսկական բուլղարական խոհանոցը: Իսկ երբ հարցրեցի, թե ի՞նչ բուլղարական ազգային կերակուր կա, ինձ առաջարկեցին «ղավուրմա», իսկ այն միայն բուլղարական ուտեստ չէ: Արեւոտ այս երկրում կերակուրները իսկապես շատ համեղ ու թարմ են:

Զբոսաշրջիկների համար Բուլղարիան բավականին մատչելի երկիր է: Մայրաքաղաքում կան շքեզ հյուրանոցներ, ինչպես` Radisson Blu Grand Hotel-ն է, այնպես էլ փոքր հյուրանոցներ: Քաղաքի կենտրոնում գտնվող սրճարաններում կարելի է ճաշել` ծախսելով 10-15 դոլար: Տաքսին նույնպես մատչելի է զբասաշրջիկների համար: Քաղաքում երթեւկում են տրամվայներ, որոնք ժամանակին կային նաեւ խորհրդային բոլոր քաղաքներում` այդ թվում Երեւանում: Հատկանշական է, որ քաղաքում շքեղ մեքենաներ գրեթե չկան:

Մայրաքաղաքում շրջելիս կարելի էր վստահորեն ասել, որ բուլղարացիները հեշտ չեն ապրում: Զրուցելով բուլղարացի լրագրող գործընկերներիս հետ`հասկացա, որ խորհրդային երկրներին բնորոշ խնդիրները չեն շրջանցել նախկին սոցճամբարի երկրներին. կոռուպցիա, ցածր աշխատավարձ, արտագաղթ…

Երեկոյան քաղաքի կենտրոնում կյանքը եռում է: Սոֆիայում բազմաթիվ ակումբներ ու զվարճանքի կենտրոններ կան: Քաղաքը չեն շրջանցում նաեւ աստղերը: Վերջերս Սոֆիայում համերգային ծրագրով հանդես եկավ Մադոննան ու Red Hot Chili Peppers-ը:

Բուլղարիայի ամենահիասքանչ հատվածը, իհարկե, ծովափն է: Հայտնի է, որ Սեւ ծովի ամենագեղեցիկ ծովափերը գտնվում են Բուլղարիայում: Ու դա ճիշտ է, Արեւային ափը, որ հռչակ էր վայելում դեռեւս խորհրդային ժամանակներում, այժմ դարձել է հանգստի դրախտային վայր: Այստեղ են գտնվում հանրահայտ ու շքեղ հյուրանոցներ, ռեստորաններ, զվարճության կենտրոններ: Ու այդ ամենը մյուս ծովափերի հետ համեմատած բավական մատչելի են: Բուրգաս կամ Վառնա տոմսի արժեքը միանգամայն համադրելի է այն գումարին, որ դուք կծախսեք լոկ հանգստի`բնակության, ուտելիքի, զվարճությունների վրա: Այստեղ են գտնվում բազմաթիվ զբոսայգիներ ու առեւտրի խոշոր կենտրոններ: Բայց ամենակարեւորը գոյություն ունեցող մթնոլորտն է, երբ յուրաքանչյուր զբոսաշրջիկ իրեն զգում է ինչպես սեփական տանը: Ապագա զբոսաշրջիկները պետք է իմանան, որ Բուլղարիայում գլխի թափահարումը ժխտական իմաստ է արտահայտում: Խեղճ վաճառողը մոտ տաս րոպե բացատրում էր մեզ, որ մեր ուզածը իր մոտ չկա, իսկ մենք մտածում էինք, որ նա մեզ ասում է «այո»:

Ուղեւորությունից ես վերադարձա ամբողջությամբ կազդուրված ու տպավորություններով լի ու հասկացա, որ ամենակարեւոր տպավորությունը, որ ստացա Բուլղարիայից մեկն է` ես կրկին ուղում եմ լինել այնտեղ:

տեքստը եւ լուսանկարները` Վերա Մարտիրոսյան

Հետևեք NEWS.am STYLE-ին Facebook-ում, Twitter-ում և Instagram-ում