Էստոնիայում առաջին անգամ ցուցադրվել է հայ ժամանակակից արվեստը։ «Մշակույթների երկխոսություն» կազմակերպության նախաձեռնությամբ եւ հովանավորությամբ երեք հայ նկարիչների՝ Տիգրան Սահակյանի, Արման Վահանյանի եւ Տիգրան Կիրակոսյանի աշխատանքները ցուցադրվել են Էստոնիայի ազգային գրադարանում բացված ցուցահանդեսում։
Նկարիչները Տալին կատարած իրենց այցի շրջանակներում մեկ ամիս շարունակ աշխատել են Էստոնիայի Գրաֆիկների ասոցիացիայի երկու արվեստանոցներում։ Այսօր հրավիրված մամլո ասուլիսի ժամանակ նկարիչները եւ «Մշակույթների երկխոսություն» կազմակերպության անդամ Սոնա Հարությունյանը որոշ մանրամասներ ներկայացրեցին Տալինում իրականացված նախագծի մասին։
Սոնա Հարությունյանի խոսքով՝ ծրագիրը սկսվել է դեռեւս մեկ տարի առաջ, երբ տղաները ճանաչողական այցով առաջին անգամ մեկնեցին Էստոնիա։ Այցի շրջանակներում էլ ձեռք բերվեց պայմանավորվածություն՝ ծրագիրն իրականացնելու համար։ «Մեզ համար սա հատկանշական է այն առումով, որ առաջին անգամ Էստանիայում ներկայացվեց հայ ժամանակակից արվեստը»,-նշեց Սոնա Հարությունյանը՝ հավելելով, որ նախնական պայմանավորվածություն կա նաեւ, որպեսզի աշնանը էստոնական կողմը Հայաստանում նմանատիպ ցուցահանդես կազմակերպի։
Նկարիչները տպավորված էին ինչպես Էստոնիա կատարած այցով, այնտեղի բնակիչներով, այնպես էլ իրենց կատարած աշխատանքով։ «Հենց այնպես չենք վատնել մեր ժամանակը, եւ կարծում եմ, որ, ամեն դեպքում, մենք պատճառ ունենք գոհ մնալու մեր աշխատանքից»,-ասաց Տիգրան Կիրակոսյանը եւ հավելեց․
«Այս նախաձեռնությունը մեծ հանդգնություն եւ համարձակություն էր պահանջում։ Սա իր նախադեպը չունի․ պետական նշանակության ծրագիր է իրականացվում՝ առանց պետական աջակցության։ Եթե ես լինեի պետական կառույցի աշխատող, ապա ամոթ կզգայի՝ տեսնելով, որ այն, ինչ ես պետք է անեմ, իմ փոխարեն անում է մեկ ուրիշը»։
Հավելենք, որ ցուցահանդեսը կտեւի մինչեւ մայիսի 3-ը։
Պատրաստեց՝ Շուշան Շատիկյանը
Հետևեք NEWS.am STYLE-ին Facebook-ում, Twitter-ում և Instagram-ում
16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները