Մեղրամոմով մազահեռացումը տարվա ցանկացած եղանակին արդիական ծառայություն է, որն առաջարկում են գրեթե բոլոր գեղեցկության սրահները: Այն մի շարք առավելություններ ունի եւ կարելի է նաեւ տնային պայմաններում կատարել: Պետք է միայն իմանալ, թե ինչպես է այն արվում, որպեսզի հնարավոր լինի խուսափել կոպիտ սխալներից:
Այս գործողության ամենամեծ դրական կողմը ֆինանսապես հասանելիությունն ու լավ արդյունքն է: Ծանոթանալով այս գործողության առավելություններին՝ շատ կանայք իրենց համար կբացահայտեն մշտապես սեքսուալ եւ գրավիչ լինելու հնարավորությունները: Տնային պայմաններում մեղրամոմով մազահեռացումը բավական տարածված գործողություն է եւ մի քանի փորձից հետո կարելի է հմտանալ այդ գործում:
Ինչպես տնային պայմաններում մեղրամոմով մազահեռացում կատարել:
Նախ հասկանանք, թե ինչ է հարկավոր այդ գործողության համար.
1. մեղրամոմը տաքացնող եւ հալեցնող սարք;
2. լայն եւ նեղ գլխիկներով մեղրամոմե քարթրիջներ (նեղ գլխիկովը նախատեսված է բիկինիի հատվածի համար);
3. մազահեռացման համար նախատեսված թղթե անձեռոցիկներ;
4. մարմնի յուղ (մեղրամոմի մնացորդները մարմնից հեռացնելու համար);
5. մանկական փոշի:
Երբ անհրաժեշտ ամեն ինչ ձեռքի տակ լինի, կարելի է անցնել մազահեռացման գործընթացին: Անհրաժեշտ է գործողությունից առաջ ուշադրություն դարձնել մաշկի վիճակին: Խորհուրդ է տրվում լոգանք ընդունել, այնուհետեւ լավ չորացնել մաշկը: Բացառել մազահեռացում կատարվող հատվածներում կրեմների եւ այլ կոսմետիկ միջոցների օգտագործումը: Հեռացվող մազերի երկարությունը 5-6 մմ-ից պակաս չպետք է լինի: Այդ ավելի լավ արդյունք կապահովի:
Եթե մազի երկարությունն ավելի կարճ լինի, ապա դրանք մեղրամոմով դժվար կլինի հեռացնել: Բայց շատ երկար մազերը նույնպես վնասում են գործողությանը, հատկապես, եթե բիկինիի հատվածում խորը մազահեռացում եք ծրագրում: Իսկ հիմա՝ մազահեռացման գործընթացի մասին:
1. Մեղրամոմով քարթրիջը տեղադրել հալեցնող սարքի մեջ, սարքը միացնել եւ թողնել 20-25 րոպե: Քարթրիջի վրայից չմոռանաք հեռացնել պաշտպանիչ շերտը:
2. Երբ մեղրամոմը բավականաչափ հալվի, սարքն անջատեք հոսանքից: Մի վախեցեք մեղրամոմով այլվելուց, քանի որ այդ հնարավոր է միայն այն դեպքում, եթե այն մեկ ժամից ավելի տաքացրած լինի: Որպեսզի տնային պայմաններում մեղրամոմով մազահեռացումն անթերի լինի, հարկավոր է մաշկը պատրաստել գործողությանը: Եթե այն դեռեւս խոնավ է, անհրաժեշտ է մանկական փոշի օգտագործել՝ նախապես մաշկը սպիրտով մաքրելով: Գործողության ընթացքում սա կարելի է մի քանի անգամ անել: Այդ հատկապես կարեւոր է առատ քրտնարտադրության դեպքում:
3. Որպեսզի մեղրամոմը քարթրիջի գլխիկից դուրս գա, այն մի քանի վայրկյան դեպի ներքեւ շրջեք, հետո քսեք մաշկին՝ մազերի աճի ուղղությամբ: Մեղրամոմի գծի երկարությունը պետք է թղթի երկարությունից շուրջ 1 սմ պակաս լինի:
4. Մեղրամոմի վրա փակցրեք մազահեռացման համար նախատեսված անձեռոցիկը, ձեռքով այն առավելագույնը ամուր նստացրեք մաշկի վրա, միաժամանակ ուշադիր եղեք, որպեսզի ներքեւի հատվածից 1 սմ-ի չափով տարածություն լինի: Այն անհրաժեշտ է անձեռոցիկը քաշելու համար:
5. Անձեռոցիկը հարկավոր է քաշել մազերի աճին հակառակ ուղղությամբ, այդ պատճառով անհրաժեշտ է այն բռնել ներքեւի հատվածից: Քաշել մաշկի երկայնքով, այլ ոչ թե դեպի վերեւ: Մնացած մազերը հեռացվում են նույն եղանակով, իսկ մաշկի վրա մնացած մեղրամոմը մաքրել նույն անձեռոցիկի օգնությամբ:
6. Գործողությունը շարունակվում է՝ մինչեւ վերջնական արդյունին հասնելը: Նույն անձեռոցիկը կարելի է այնքան օգտագործել, քանի դեռ մազերը դրա օգնությամբ լավ հեռացվում են: Եթե մեղրամոմը սառել է, կարելի է այն կրկին տեղադրել սարքի մեջ եւ շարունակել:
Տնային պայմաններում մեղրամոմով մազահեռացումը մի քանի գործողությունից հետո հաջող ընթացք կունենա: Մազահեռացումից հետո մաշկը սպիրտով մաքրեք եւ մեկ օր չթրջեք: Տնային պայմաններում մազահեռացման այս գործողությունը հարմար է, եթե այն օգտագործեք ոտքերի, ձեռքերի եւ թեւատակերի համար:
Իսկ բիկինիի հատվածում խորը մազահեռացումը հմտություն է պահանջում եւ այլ որակի մեղրամոմ, որը քսում եմ փայտիկների օգնությամբ, քիչ քանակով: Այդ հատվածի մազահեռացման համար լավ կլինի դիմել մասնագետի օգնությանը եւ ինքնուրույն չփորձարկել: Ասում են, որ գեղեցկությունը զոհեր է պահանջում, բայց վստահ եղեք, որ գեղեցկության օգտին այս զոհողությունը կհատուցվի, հատկապես, երբ միայնակ կլինեք ձեր տղամարդու հետ եւ կտեսնեք նրա հիացած հայացքը:
Աղբյուրը՝ sdama.ru
Հետևեք NEWS.am STYLE-ին Facebook-ում, Twitter-ում և Instagram-ում
16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»12:22, 19 ապրիլի
Բեն Աֆլեքի դուստրը «քամինգ աութ» է արել. Ֆինն իրեն ոչ տղամարդ է համարում, ոչ՝ կին11:21, 19 ապրիլի
Վիկտորյա Բեքհեմը բացահայտել է իր ե Դեւիդի երջանիկ ամուսնության գաղտնիքը10:18, 19 ապրիլի
Քանյե Ուեսթը բռունցքով հարվածել է իր կնոջն անհանգստացնող տղամարդու դեմքին09:00, 19 ապրիլի
ԱՊՐԻԼԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»