Առաջիկա կինո-ուրբաթը խառը զգացմունքներ կառաջացնի ձեզ մոտ, քանի որ դրանք նախատեսված են չափահաս եւ գիտակից հանդիսատեսի համար, ովքեր նախընտրում են դիտել այնպիսի ֆիլմեր, որոնք մտածելու տեղիք են տալիս։ Այս տեսանկյունից դիտարկելիս կարելի է առանձնացնել «Դատավորը» ֆիլմը՝ Ռոբերտ Դաունի-կրտսերի եւ Ռոբերտ Դյուվալի մասնակցությամբ։
«Դատավորը» մեկ դերասանի ֆիլմ է. չնայած այստեղ իր մասնակցությունն ունի նաեւ մեծ վարպետ Ռոբերտ Դյուվալը, բայց Ռոբերտ Դաունի-կրտսերն, ասես, ամբողջ վերմակը քաշել է իր վրա՝ ցուցադրելով եւ հիշեցնելով այն, որ նա կարող է ոչ միայն հիանալիորեն մարմնավորել «Երկաթե մարդու» կամ «Շերլոկ Հոլմսի» կերպարները, այլեւ ունակ է ստիպել հանդիսատեսին գամվել էկրանների առաջ եւ հուզվել։ «Դատավորը» ֆիլմն ընտանեկան դրամա է, որտեղ Դաուի-կրտսերը ցուցադրել է իր դերասանական ողջ տաղանդն ու պրոֆեսիոնալիզմը։ Նրա հերոսը՝ Հենք Փալմերը, ով բավականին անվանի եւ հաջողված կարիերա ունեցող փաստաբան է, առանձնանում է իր ցիցնիզմով եւ անսկզբունքայնությամբ, ինչը շատ փաստաբանների է բնորոշ։ Փալմերը մեկնում է իր հայրենի քաղաք՝ մասնակցելու մոր հուղարկավորման արարողությանը, սակայն նրա հարաբերությունները տեղի հեղինակավոր ու հարգարժան դատավորի (Ռոբերտ Դյուվալ) հետ բավականին սրված են։ Բացի այդ, հայր ու որդի երկար տարիներ չէին շփվել ու խոսել միմյանց հետ, սակայն երբ նրա հորը սկսում են մեղադրել սպանության մեջ Հենքն իր ձեռքն է վերցնում այս գործը։
Չնայած ֆիլմը տեւում է մոտ 2 ժամ, բայց այն ստիպում է հանդիսատեսին լարված մնալ էկրանների առաջ եւ դիտել մինչեւ վերջին վայրկյանները։ Այս ֆիլմը պատմում է հայր եւ որդի հարաբերությունների եւ ընտանեկան արժեքների մասին։ Հիանալի դերասանական խաղ, ապշեցուցիչ ռեժիսորական մոտեցում եւ բարդ ու խճճված սյուժե...
«Ապահովագրողը»՝ ֆուտուրիստական մարտաֆիլմ, որի գլխավոր դերում Անտոնիո Բանդերասն է։ Ֆիլմը պատմում է մեր տխուր եւ սարսափելի ապագայի մասին։ Բանդերասի հերոսը Ժակ Վոկան է, ով աշխատում է ապահովագրական մի ընկերությունում, որն արտադրում է բազմաֆունկցիոնալ ռոբոտներ։ Պարզվում է, որ այս ռոբոտները կարող են ինքնուրույն մտածել ու գործել։ Չնայած առաջին հայացքից սյուժեն բավականին անիմաստ է՝ այն չի կարելի դասակարգել ամերիկյան այն ֆիլմերի շարքին, որոնք պատմում են «պայծառ» ապագայի մասին։ Ֆիլմում էքշնը քիչ է, բայց այն մտորելու տեղիք է տալիս առ այն, թե «ուր ենք մենք գնում»։ Ինչպես միշտ, Բանդերասը փայլում է իր դերասանական խաղով, սակայն ֆիլմը մի փոքր շատ է երկարաձգված. բավականին դեպրեսիվ եւ հոռետեսական կինոնկար՝ նախատեսված ինտելեկտուալ հանդիսատեսի համար...
Չնայած «Առեւանգիր կնոջս» ֆիլմը համարվում է քրեական կատակերգություն, սակայն կինոնկարն այնքան էլ զվարճալի չէ՝ բացառությամբ ֆիլմի վերջին տեսարանների։ Ասեմ՝ եթե հույս ունեք լիաթոք ծիծաղել, ապա ձեզ մեծ հիասթափություն է սպասվում, քանի որ սա սեւ հումորով մելոդրամա է։
Ֆիլմի իրադարձությունները կատարվում են 70-ականներին։Առեւանգվածը (Ջենիֆեր Էնիսթոնը) հայտնի գործարարի (Թիմ Ռոբինս) կին է։ Սակայն նրան առեւանգողների հույսերը՝ գործարարից մեծ գումարներ «պոկել», չեն արդարանում, քանի որ գործարար-ամուսինը չի շտապում ազատել իր կնոջը։ Ավելին, նա շատ գոհ է ստեղծված իրավիճակից. վերջապես ազատվել է կնոջ վերահսկողությունից... Ֆիլմը մի փոքր խճճված ու քաոսային է, ընդ որում, կան հատվածներ, որոնք բավականին ձանձրալի են։ Սակայն ֆիլմը «փրկում է» նրա հետաքրքիր ավարտն ու դերասանական խաղը...
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ