• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Առաջիկա ուրբաթ օրը դուք կհայտնվեք տիեզերքի առեղծվածային, անծայրածիր եւ գրավիչ աշխարհում, կզգաք մոտալուտ ապոկալիպսիսը, կբացահայտեք հանելուկային գլուխկոտրուկներ եւ իհարկե, կուրախանաք եւ կլիցքաթափվեք՝ մի պահ ընկնելով մանկության գիրկը։ Բացի այդ, դուք հնարավորություն կստանաք վայելելու հոլիվուդյան հայտնի դերասանների Նիկոլ Քիդմանի, Մեթյու ՄաքՔոնահինի, Էնն Հեթեուեյի եւ իմ ամենասիրելի դերասաններից մեկի՝ Քոլին Ֆերտի խաղը...

Այս ուրբաթ մեծ էկրաններին է հայտնվել ռեժիսոր Քրիստոֆեր Նոլանի «Ինտերսելար» ֆիլմը։ Այն գիտաֆանտաստիկ ժանրի կինոնկար է, որը ձեզ մոտ հակասական զգացմունքներ կարող է առաջացնել։ Ոմանց համար ֆիլմի գաղտնի ասելիքը մեր մոլորակը փրկության եւ ընտանեկան հավերժական արժանիքների մասին է։ Իսկ մյուսների համար, միգուցե, ֆիլմը երկար, ձանձրալի եւ պաթոսային թվա։

Ֆիլմի իրադարձություններն, իհարկե, կատարվում են հեռավոր ապագայում։ Երկիրը մահանում է, ամեն ինչ կործանման եզրին է։ Գիտնականներից կազմված մի խումբ (Մեթյու ՄաքՔոնահի, Էնն Հեթեուեյը եւ Մայքլ Քեյն) գնում են տիեզերքի հեռուները՝ հույս ունենալով գտնել Երկրին համապատասխան մեկ այլ մոլորակ։ Եվ այս ճամփորդությունը տեւում է մոտ 3 ժամ։ Բավականին դիտարժան եւ գաղափարներով, բայց մի քիչ էլ պաթոսով լի ֆիլմ։ Չմոռանամ նշել նաեւ հիանալի երաժշտության մասին, որի հեղինակն է երգահան Հանս Ցիմերը։ Նոլանի երկրպագուները հաստատ մեծ հաճույքով կդիտեն այս ֆիլմը եւ մեծ բավականություն կստանան դրանից։

«Նախքան ես կքնեմ» հոգեբանական թրիլլերը, որի գլխավոր դերում հանդես են գալիս Նիկոլ Քիդմանն ու Քոլին Ֆերթը, անկեղծ ասած, շատ կանխատեսելի ֆիլմ էր։

Կոպիտ ասած՝ ֆիլմի ավարտն արդեն առաջին 15 րոպեների ընթացքում պարզ է ու հասկանալի, որն էլ կարելի է ասել սպանում է այս ֆիլմի հանդեպ ունեցած հետաքրքրությունդ՝ չնայած գլխավոր հերոսներին մարմնավորող տաղանդավոր դերասանների խաղին։ Քիդմանի հերոսուհին՝ Քրիստին, տառապում է ամնեզիա հիվանդության մի յուրօրինակ տեսակով։ Ամեն առավոտ նրա հիշողությունից ջնջվում են վերջին քսան տարիների ընթացքում կատարված իրադարձությունները եւ ամեն առավոտ նա կրկին փորձում է վերականգնել սեփական կյանքը։ Այս հարցում նրան մեծապես օգնում է իր ամուսինը (Քոլին Ֆերտը)։ Սակայն ֆիլմում հայտնվում է մի առեղծվածային հոգեբույժ՝ դոկտոր Մայք Նեշը (Մարկ Սթրոնգ)։ Ֆիլմի գործողություններն այնպես են զարգանում, որ պարզվում է՝ ամեն ինչ այնքան էլ հեշտ ու հասկանալի չէ, ինչպես թվում է առաջին հայացքից։ Այս երկու տղամարդկանցից մեկը ոճրագործ է...

Դե իսկ որպես «աղանդեր» կարելի է դիտել «Թափահարիր թեւդ»  ֆրանսիական մուլտֆիլմը, որը կօգնի ձեզ ուշքի գալ տիեզերական  ճամփորդությունից եւ հոգեբանական թրիլլերից հետո։  Այս բարի եւ թեթեւ մուլտֆիլմը, որ կարելի է դիտել եւ մենակ, եւ ամբողջ ընտանիքով, պատմում է մի փոքրիկ ազնվասարեկի մասին, ով պատրաստվում է չվել հարավ։ Սակայն դեպի հարավ տանող ճամփան գիտի միայն թռչունների ծեր առաջնորդ մոխրագույն Դարիուսը, որի վրա հարձակվում է չար կատուն։ Այս ամենի ականատեսն է դառնում միայն փոքրիկ ազնվասարեկը, ում Դարիուսը հասցնում է բացատրել հարավ գնալու ճանապարհի երթուղին։ Փաստորեն, երիտասարդ եւ անփորձ Գասն այժմ պետք է առաջնորդի իր երամին, որը ճանապարհին բազմաթիվ խոչընդոտների, արկածների, վտանգների եւ դժվարությունների միջով է անցնում...

Մաղթում ենք ձեզ հաճելի դիտում։

Հետևեք NEWS.am STYLE-ին Facebook-ում, Twitter-ում և Instagram-ում