• Դեւիդ Լինչը Salone del Mobile-ում ներկայացրել է «Մտորումների սենյակը» ինստալյացիան

  Այս տարի հայտնի ռեժիսոր Դեւիդ Լինչին հրավիրել էին ստեղծելու ինստալացիա Salone del Mobile կահույքի տոնավաճառի համար՝ մի բան, որը հյուրերին այլ հարթություն կտեղափոխի․․․

• Թուփաքի պաշտոնական էջում տեղադրել են հայ նկարչի աշխատանքը՝ նշելով, որ այն արվել է Հայաստանում

  Ռեփեր Թուփաք Շաքուրի ինստագրամյան էջում տեղադրել են ազգությամբ հայ «սթրիթ արտ» նկարչի աշխատանքը եւ նշել, որ այն արված է Հայաստանում…

• Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին

  Շառլ Ազնավուրի ծննդյան 100-ամյակին նվիրված հոբելյանական միջոցառումների շրջանակում Two Arcs-ում կբացվի ֆիգուրատիվ քանդակագործ Մկրտիչ Մազմանյանի դիմաքանդակների ինտերակտիվ ցուցահանդեսը...

• 353 պարուհիների պարը նոր համաշխարհային ռեկորդ է սահմանել

  Պուանտներով պարող 353 բալերինաների պարը նոր համաշխարհային ռեկորդ է սահմանել...

• Մարմինը՝ որպես լանդշաֆտ. Միշա Ջապանվալայի ցուցահանդեսը

  Մարմնի վերաիմաստավորումը՝ որպես լանդշաֆտ: EXPO Chicago-ում բացվել է պակիստանցի նկարչուհի եւ դիզայներ Միշա Ջապանվալայի անհատական ​​ցուցահանդեսը․․․

• Ամերիկյան գեղանկարչության հայկական անունը՝ Արշիլ Գորկի. նկարչի 120-ամյակին

  Ի պատիվ Արշիլ Գորկու ծննդյան 120-ամյակի, մենք պատրաստել ենք նյութ մեծ արվեստագետի կյանքի եւ ստեղծագործության մասին՝ ընտրելով ամենահետաքրքիր փաստերը․․․

• «Կամուրջ» մշակութային կենտրոնի հերթական մեգա նախագիծը` «Ծաղկունք» միջազգային 5-րդ փառատոն

  Ապրիլի 29-ին նշվում է Պարի միջազգային օրը, ինչի առթիվ «Կամուրջ» մշակութային կենտրոնը կազմակերպել է նախադեպը չունեցող մեգա նախագիծ…

• Վլադիմիր Սահակյանի առաջին հետմահու ցուցահանդեսը մեծ հետաքրքրություն է առաջացրել արվեստասեր հասարակության շրջանում

  Նկարիչ Վլադիմիր Սահակյանի առաջին հետմահու ցուցահանդեսը, որը բացվել է ապրիլի 1-ին` Հայաստանի նկարիչների միությունում, կշարունակվի մինչև ապրիլի 8-ը...

Նկարիչ Սամվել Սաղաթելյանի մասին կարելի է անվերջ խոսել։ Նրա յուրօրինակ, ինքնատիպ և համարձակ աշխատանքները հայտնի են ամբողջ աշխարհում։ Իր գործունեությունը Սաղաթելյանը սկսել է 90-ականներին, իսկ 2001թ․ արվեստագետը Հայաստանը ներկայացրել է Վենետիկյան բիեննալեում։ 

ԱՄՆ-ում, որտեղ այժմ նա ապրում եւ ստեղծագործում է, 2002թ․ կայացել է Սամվել Սաղաթելյանի առաջին անհատական ցուցահանդեսը։ Նա այնպիսի շոուների ու ցուցահանդեսների հեղինակ եւ կուրատոր է եղել, ինչպիսիք են Grotesque Reality, TransRomance, The New Testosterone,“Land and Technology,  In Search For Paradise,  Independence,  Yerevan Avant-Garde Art,  Macho Bullshit  և այլն։ Իսկ այժմ Սամվել Սաղաթելյանը Հայաստանում հանդես է գալիս մի նոր նախագծով։ 

NEWS.am STYLE-ի թղթակցի հետ զրուցելիս նկարիչը հայտնել է, որ մտադիր է ցուցահանդես կազմակերպել Արմավիրի Քրեակատարողական հիմնարկում։ Ցուցահանդեսը տեղի կունենա ՀՀ արդարադատության նախարարության Իրավախախտում կատարած անձանց վերականգնողական կենտրոնի եւ ԵԱՀԿ-ի աջակցությամբ: Այն նվիրված է Մարդու իրավունքների պաշտպանության օրվան։ Սաղաթելյանն այդ նախագծի հեղինակ-մասնակիցը եւ կուրատորն է։ 

-Ինչպե՞ս ծնվեց բանտում ցուցահանդես կազմակերպելու միտքը։

- Որևէ ՔԿՀ-ում ցուցահանդես կազմակերպելու ցանկություն վաղուց կար։ Բանտն այնպիսի տեղ է, որը ստիպում է մարդուն ոչ ստանդարտ քայլերով հաղթահարել իր սահմանափակ լինելն ու ժամանակի զգացումը՝ օգտագործելով ներքին ռեսուրսները։ Այն ստիպում է մարդուն նորովի բացահայտել իրեն եւ իր տաղադները։ Մարդիկ, ովքեր երբեք մատիտ անգամ չեն վերցրել իրենց ձեռքը կամ որևէ տող գրել, բանտում նոր կարողություններ եւ ունակություններ են հայտնաբերում։  

Միտքը ծնվել էր դեռ Լոս Անջելեսի Black Maria պատկերասրահում, որի կուրատորն էի ես։ 2007թ. կազմակերպվել էր Bound &Gagged խորագրով ցուցահանդես, որտեղ ընգրկվել էին Սովետական Հայաստանի, եւ Լոս Անջելեսի բանտային արվեստի նմուշներ, ինչպես նաև ազատության մեջ գտնվող արվեստագետների գործեր։ 

Դա առաջին փորձն էր անդրադառնալու թե բանտային արվեստին, թե մարդու սահմանափակվածությունը հաղթահարելու խնդրին։ Դա հիմնական գաղափարն էր, որի շարունակությունը ցանկանում եմ անցկացնել հայաստանյան բանտերից մեկում։

-Փաստորեն, Ձեր նպատակն է բանտարկյալներին արտահայտվելու եւ իրենց գործերը ցուցադրելու հնարավորություն տալ։

-Այո, սա համատեղ ցուցադրություն է։ Իսկ ի՞նչ տարբերություն կա դատապարտյալի եւ ազատ քաղաքացու մեջ։ «Ազատությունը» շատ հարաբերական երեւույթ է։ Ազատության մեջ էլ կան սահմանափակումներ՝ կլինի դա գաղափարական, ինքնահաստատման հնարավորության եւ ցանկության, շուկայական հարաբերությունների, անձնական, թե արվեստի ազատ արտահայտման հարցում․․․

Իհարկե, նպատակներից մեկն էլ բանտարկյալների գործերը ներկայացնելն է։ Ըստ էության, բանտում ստեղծագործողի առաջ չկա արվեստի բնագավառում կայանալու, աշխատանքները վաճառելու, ցուցադրելու, կամ հասարակության մեջ ինքնահաստատվելու խնդիրը։ Ինքնաարտահայտման այս ձևով նա լոկ ցանկանում է ժամանակ սպանել։

Նման ցուցահանդես կազմակերպելու հարցում ինձ համար ոգեշնչման աղբյուր է եղել նաև Ջոնի Քեշի համերգը ամերիկյան «Ֆոլսոմ» բանտում։ Կար նաև անձնական խնդիր՝ 1982թ․ անարդարացիորեն բանտարկվեց հայրս, և դա մեծ հարված էր մեր ընտանիքի համար։ Չէ՞որ հենց այստեղից էլ սկսվում է հասարակության տարանջատումը եւ սահմանների հաստատումն ազատ եւ դատապարտված մարդկանց միջեւ. ասես, բանտարկյալը դադարում է մարդ լինել...

-Ի՞նչ աշխատանքներ են ներկայացվելու Ձեր և բանտարկյալների կողմից։

-Հասկանալի պատճառներով չեմ բացում բոլոր փակագծերը, միայն կասեմ, որ բանտում գտնվելու ժամանակ հայրս հաշվում էր օրերը՝ ծխելով օրական մեկ ծխախոտ, եւ հորս նվիրված գործերը ես պատրաստել եմ ծխախոտի մնացորդներով եւ անվանել «Տարեցույց-ուղերձ»։

Նշենք, որ ցուցահանդեսի բացումը տեղի կունենա դեկտեմբերի 10-ին, ժ․10։30 եւ կշարունակվի 10 օր։

Զրուցեց՝ Եվա Նավասարդյան

Հետևեք NEWS.am STYLE-ին Facebook-ում, Twitter-ում և Instagram-ում