Առաջիկա կինո-ուրբաթը լի է հոգեբանական թրիլերի, ինչպես նաեւ արկածային տարրերով։ Իմ կարծիքով՝ կինոմանները բարձր կգնահատեն «Բյորդմեն» ֆիլմը՝ անզուգական Մայքլ Կիտոնի եւ Էդվարդի Նորթոնի մասնակցությամբ։ Այս ֆիլմը ներկայացնում են որպես տրագիկոմեդիա, եւ պետք է նշեմ, որ դերասանական հիանալի խաղն ու սյուժեի անսպասելի ընթացքը կստիպեն ձեզ վայելել ֆիլմը եւ չզղջալ անցկացրած 2 ժամվա համար։
Ամեն ինչ սկսվում է այն հանգամանքից, որ Կիտոնի կերպարը՝ Բյորդմենի մասին մարտաֆիլմերի երբեմնի հերոս Ռիգան Թոմսոնը, մեծ համոզմունքով փորձում է ամբողջ աշխարհին ապացուցել, որ նա ավելին կարող է անել։ Ցանկանալով ետ բերել նախկին փառքը՝ Թոմսոնը սկսում է նոր ներկայացում բեմադրել, որտեղ նա հանդես է գալիս եւ ռեժիսորի, եւ գլխավորի հերոսի դերում։ Մի շարք խնդիրներից ու անհաջողություններից զատ, նա պայքար է սկսում իր եւ Բյորդմենի եսասիրության միջեւ. վերջինս սուպեր ունակություններ ունի եւ մշտապես նենգ խորհուրդներ է տալիս։ Ընդ որում, Ռիգանը ստիպված է նաեւ բանավիճել խենթ արտիստ Մայքլի հետ (Էդվարդի Նորթոն), հարաբերություններ պարզել իր երիտասարդ ընկերուհու հետ, արդարանալ կնոջ առաջ եւ հետեւել դստերը, ով նախկինում թմրադեղերից կախվածություն է ունեցել (Էմմա Սթուոն)։ Եվ հենց այն պահին, երբ նա կարծում է, որ իր բոլոր ծրագրերը ձախողման են ենթակա, Թոմսոնը անակնկալ է մատուցում. իզուր չէ, որ նա երկար ժամանակ սուպերմենի կոստյում է հագել։
Այս ֆիլմը պատմում է մասնագիտությունների, կյանքի իմաստի, հաջողության հանելու գրավականի եւ պարտության դառնության մասին...
Հոգեբանական ֆիլմերի սիրահարները մեծ հաճույքով կարող են դիտել նաեւ «Խաղացողը» ֆիլմը՝ Մարկ Ուոլբերգի մասնակցությամբ։ Ցինիկ պրոֆեսոր Ջիմ Բենեթը դժգոհ է այն հանգամանքից, որ աշխարհն ըստ արժանվույն չի գնահատել նրա տաղանդը, եւ գրողը սկսում է մոլախաղերով զբաղվել։ Հենց այս նպատակով նա սկսում է ընկերներից, ընտանիքի անդամներից, ծանոթ մարդկանցից եւ բանկերից գումար վերցնել։ Նրան չի անհանգստացնում այն փաստը, որ չարագործները ամեն գնով ետ են վերցնելու իր պարտքերը։ Բենեթը տարված է խաղերով եւ նա ասես ձգտում է մահվան։ Սակայն այս թվացյալ ցինիկ պրոֆեսորի գլխում ի վերջո խիղճ եւ արժանապատվություն է արթնանում, երբ հանցագործները սպառնում են վնասել նրա ուսանողներին, եթե վերջինս չվճարի իր պարտքերը։
Դժբախտաբար «Կողոպուտ` ամերիկյան ձեւով» մարտաֆիլմը, որի ռեժիսորը մեր հայրենակից Սարիկ Անդրեասյանն է, անձամբ ինձ այնքան էլ դուր չի եկել, եւ ես տպավորված չեմ՝ թեկուզ ֆիլմում խաղում է նաեւ հոլիվուդյան աստղ Էդրիան Բրոուդին։ Ֆիլմը շատ անհետաքրքիր եւ կանխատեսելի է ստացվել։ Գլխավոր հերոսը՝ Ջեյմսը, ով մութ անցյալ ունեցող մի անձնավորություն է, փորձում է փոխել իր կյանքը եւ կարծես թե նրան հաջողվում է։ Սակայն հանկարծ հայտնվում է նրա եղբայրը՝ Ֆրենկին, ով տասը տարի անցկացրել է բանտում։ Եղբայրների հարաբերություններն այնքան էլ հարթ չեն, քանի որ երկար տարիներ եղբայրը Ջեյմսին ներքաշել է հանցավոր գործերի մեջ, բայց վերջինս բանտում անցկացրել է ընդամենը 16 ամիս։ Դատված լինելու հանգամանքը խոչընդոտ է հանդիսանում աշխատանքի ընդունվելու եւ անգամ բանկից վարկ ստանալու հարցում։ Այսպիսով, Ֆրենկին առաջարկում է Ջեյմսին «վերջին անգամ» «մի փոքրիկ գործ» անել։ Նա եղբորը համոզում է, որ բանկ թալանելուց հետո նրանց կյանքը կընթանա իր բնականոն հունով...
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ