Անկեղծ ասած՝ առաջիկա կինո-ուրբաթն այնքան էլ ուրախալի չի լինի կինոսերների համար, քանի որ «Երկրպագու» եւ « Ժամանակի մեքենա ջակուզիում 2» ֆիլմերի պրեմիերաները դժգոհության տեղիք կտան։
Այո, փոքր-ինչ հիասթափություն կապրեք «Երկրպագու» (The Boy Next Door) ֆիլմը դիտելիս, որտեղ ամենագրավիչը գեղեցկուհի Ջենիֆեր Լոպեսն է։ Ֆիլմի սցենարն այնքան պրիմիտիվ եւ կանխատեսելի է, որ անգամ Լոպեսի մասնակցությամբ սիրային տեսարանները ոչ մի զգացմունք չեն առաջացնում դիտողի մոտ։ Կլերը (Լոպես) գրականության ուսուցչուհի է, ով ամուսնալուծված է եւ ունի դեռահաս որդի։ Իմանալով, որ ամուսինը դավաճանում է իրեն՝ նա բաժանվում է։ Եվ հենց այս նույն ժամանակահատվածում նրա տան հարեւանությամբ բնակություն է հաստատում 20-ամյա խելացի, խորամանկ, հմայիչ մի տղա, ով միանգամից կարողանում է մտերմանալ եւ Կլերի, եւ նրա որդու հետ։ Դժվար չէ գուշակել, որ սիրտը կոտրված եւ վիրավորված կինը հայտնվում է երիտասարդի անկողնում։ Բուռն եւ թեժ գիշեր անցկացնելուց հետո Կլերը, բնականաբար, զղջում է իր արարքի համար, սակայն նրա նորաթուխ սիրեկանը չի ցանկանում այդքան շուտ մոռանալ նրանց սիրային գիշերը։ Նա մոլագարի նման հետապնդում է Կլերին։ Մնացածը, կարծում եմ, պատմելու կարիք չկա։
«Ժամանակի մեքենա ջակուզիում 2» կատակերգությունն այնքան գռեհիկ եւ պրիմիտիվ է, որ իմ կարծիքով չարժե անգամ ժամանակ վատնել այն դիտելու համար։ Ֆիլմի հումորը բավականին ցածր մակարդակի է։ Ֆիլմում կարելի է տեսնել փսխումներ, արյուն եւ սերմնահեղուկ։ Ամեն ինչ արված է ամերիկյան ցածրորակ կատակերգությունների ավանդույթներին համաձայն։ Երեք ընկեր որոշում են փրկել իրենց ընկերոջը, ով երեկույթի ժամանակ շատ լուրջ վնասվածք է ստացել աճուկի շրջանում։ Դրա համար նրանք փորձում են ետ գնալ անցյալ, բայց հայտնվում են ապագայում...
Միակ ֆիլմը, որը կարելի է դիտել առաջիկա ուրբաթ՝ չխնայելով ոչ գումար, ոչ էլ ժամանակ, «Գառնուկ Շոնը» մուլտֆիլմն է։ Հետաքրքիր պատմություն գառնուկ Շոնի արկածների մասին։ Գառնուկ Շոնը համարվում է իր հոտի առաջնորդը։ Նա մշտապես իր գառնուկ-եղբայրների հետ հայտնվում է զավեշտալի իրավիճակներում՝ վեր ու վար անելով հարազատ ֆերմայում։ Նրանք մշտապես պտտվում են Բիցեր անունով հովվաշան շուրջը։ Վերջինս հաճախ կանգնեցնում է Ֆերմերին, ով փորձում է պարզել, թե ինչ է կատարվում իր բացակայության ժամանակ։
Ֆիլմը հարուստ է ծիծաղաշարժ տեսարաններով, բոլոր կերպարները շատ հմայիչ ու գեղեցիկ են, կարելի անգամ ասել՝ ոճային, որոնց անհնար է չսիրահարվել։
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
23:19, 19 ապրիլի
Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն22:24, 19 ապրիլի
Մալդիվների ամենաթանկ հանգստավայրի ներսում21:17, 19 ապրիլի
Թրեւիս Բարքերը շնորհավորել է Քորթնի Քարդաշյանին՝ հրապարակելով նրա լուսանկարը, որում նա զուգարանում է20:21, 19 ապրիլի
Jacquemus-ը նոր շունչ է հաղորդում ամառային հարսանիքներին19:47, 19 ապրիլի
Ինչպե՞ս է Բրիտանիայի ամենահարուստ մարդուն հաջողվում ստվերում մնալ. նույնիսկ նրա ադմինիստրատորը չի լսել նրա մասին18:27, 19 ապրիլի
Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել16:17, 19 ապրիլի
«Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը15:38, 19 ապրիլի
Կբացվի քանդակագործ Մկրտիչ Մազմանյանի ցուցահանդեսը՝ նվիրված Շառլ Ազնավուրին15:12, 19 ապրիլի
«Breaking Bad»-ի աստղ Ջանկառլո Էսպոզիտոն ցանկացել է մարդասպանի վարձել՝ սեփական սպանությունը կազմակերպելու համար14:42, 19 ապրիլի
Հարսնացուն ցնցված է. նա հարսանիքին ստացել է «ամենազզվելի նվերը»13:56, 19 ապրիլի
Քորթնի Քարդաշյանը պաշտպանել է Քիմին, որին երկրպագուները մեղադրում են դիտավորյալ «անհաջող» լուսանկար հրապարակելու մեջ13:14, 19 ապրիլի
Անզուգական Մոնիկա Բելուչին ասում է, որ «համակերպվել է ծերության հետ»