• Սերժ Թանկյանը կիսվել է «Տեր ողորմեա» երգի իր կատարմամբ (VIDEO)

  Սերժ Թանկյանը կիսվել է «Տեր Ողորմեա» երգի իր մեկնաբանությամբ, որը նա կատարել է այս տարվա ապրիլի 29-ին՝ Լոս Անջելեսի «Սորայա» թատրոնում...

• Ակուստիկ Nemra. ռոք բենդը բարեգործական համերգ կունենա՝ ի աջակցություն արցախցիների

  Տոմսերի վաճառքից գոյացած հասույթը կուղղվի բռնի տեղահանված արցախցիների կարիքները հոգալուն․․․

• Նորաձեւությունը եւ ռոքը․ Nemra խմբի Look at Birds տեսահոլովակը՝ Ֆաինա Հարությունյանի Alternative Collection արշավի շրջանակում

  Երեկ՝ հուլիսի 2-ին, Yerevan Fashion Week-ի շրջանակում կայացել է դիզայներ Ֆաինա Հարությունյանի ցուցադրությունը...

• Բորիս Գրեբեշնիկովը համերգ կունենա Երեւանում

  Լեգենդար ռուս երաժիշտ Բորիս Գրեբենշչիկովը համերգով հանդես կգա Երեւանում․․․

• Շավո Օդաջյանը՝ ծնողներին դեմ գնալով երաժիշտ դառնալու, SOAD-ի դժվարությունների ու մարիխուանայի արտադրությամբ զբաղվող իր ընկերության մասին

  Here Weed Go! փոթքասթի հոբելյանական թողարկման շրջանակում հաղորդավար Էդդի Սելայան հյուրընկալել էր Շավո Օդաջյանին...

• SYSTEM OF A DOWN-ի բաս կիթառահար Շավո Օդաջյանը հայտարարել է՝ ավարտին են մոտենում իր դեբյուտային սոլո ալբոմի աշխատանքները

  Շատ շուտով կունենամ սոլո ալբոմ․․․

• Լեգենդար KISS ռոք խումբը մեկնում է վերջին համերգային շրջագայությունը

  Հրաժեշտի համերգները նախատեսված են դեկտեմբերի սկզբին․․․

• 1969 թվականի հունվարին աշխարհահռչակ The Beatles խումբը տվել է իր վերջին համերգը

  1964-ին նրանց արդեն անվանում էին հրաշալի քառյակ, իսկ հաջորդ տարի նրանք համաշխարհային հռչա ձեռք բերեցին...

Վերջերս տեղեկացրել ենք, որ System Of A Down-ը հաստատել է նոր ալբոմ ձայնագրելու մասին լուրերը։ Madcap Music Review-ին տված հարցազրույցի ժամանակ խմբի բաս-կիթառահար Շավո Օդադջյանը ասել է, որ System Of A Down խմբի անդամները սկսել են նոր երգեր ձայնագրել։ Նշենք, որ System Of A Down-ն իր վերջին «Hypnotize» ալբոմը թողարկել է 2005թ-ին, որը բրիտանական Billboard 200 վարկանիշային աղյուսակում հայտնվել է 15-րդ տեղում։

Billboard-ին տված հարցազրույցի ժամանակ խմբի թմբկահար Ջոն Դոլմայանը նույնպես հաստատել է նոր ալբոմի ձայնագրման մասին տարածված լուրերը.

«Այժմ մենք զբաղված են համաշխարհային շրջագայության աշխատանքներով, բայց երբ այն ավարտվի, հնարավոր է նոր ալբոմ ձայնագրենք։ Միգուցե շրջագայության ընթացքում նոր երգեր ծնվեն»,-նշել է Ջոնը։

Ջոն Դոլմայանը նաեւ խոսել է խմբի համաշխարհային շրջագայության մասին։ Ինչպես հայտնի է, System of a Down խումբը ապրիլի 6-ին մեկնարկում է իր «Wake Up The Souls Tour» համերգային շրջագայությունը՝ նվիրված Հայոց ցեղասպանության 100-րդ տարելիցին։ Խումբը ելույթ կունենա Անգլիայում, Ֆրանսիայում, Հոլանդիայում, Բելգիայում։ Համերգային շրջագայությունը կավարտվի Երեւանում։ Համերգը կկայանա ապրիլի 23-ին Հանրապետության հրապարակում livestream ռեժիմով (ամբողջ աշխարհը կարող է առցանց հետեւել համերգին)։

«Ես անհամբերությամբ սպասում եմ, թե երբ է սկսվելու շրջագայությունը։ Ես շատ ոգեւորված եմ, քանի որ վերջին համերգը նախատեսված է Հայաստանում։ Որպես հայ եւ որպես երաժիշտ՝ սա շատ խորհրդանշական է ինձ համար։ «Wake Up The Souls Tour»-ն ավելի կարեւոր է, քան նոր ալբոմը։ Մեր համերգային շրջագայությունն ավելին է, քան հարգանքի տուրք՝ Ցեղասպանության 100-րդ տարելիցին։ Երաժշտությունը հուզում է բոլորի սրտերը, եւ սա համաշխարհային հասկացություն է»,- հայտարարել է երաժիշտը։

Իսկ System of a Down-ի մենակատար Սերժ Թանկյանը նշել է.

«Կարեւոր է իմանալ, որ այժմ նույնպես ցեղասպանություններ են կատարվում, սակայն նման գործողությունները ճանաչելու եւ ցեղասպանություն որակելու համար միջազգային համաձայնագիր չկա։ Չկա մի փաստաթուղթ, որը կհստակեցնի, թե երբ է ցեղասպանություն կատարվում։ Միջազգային հանրությունը պետք է քայլեր ձեռնարկի, պատժի եւ այլն։ Հարկավոր է ոչ միայն խոսել, թե ինչ է կատարվում, այլ մեղավորներին պատասխանատվության ենթարկել։

Դոլմայանն իր հերթին ավելացրել է.

«Ինչ վերաբերում է մեր շրջագայությանը, ապա նշեմ, որ մենք ցանկանում էինք նաեւ ելույթ ունենալ Թուրքիայում, բայց կազմակերպչական խնդիրների պատճառով չստացվեց։ Մեր այս համաշխարհային շրջագայությունը նվիրվում է Ցեղասպանությանը, բայց չենք պատրաստվում կառչած մնալ միայն այդ թեմային, չենք ցանկանում այս թեմայով հոգնեցնել մեր ունկնդիրներին։ Ավելացնեմ, որ մենք նաեւ ֆիլմեր ու տեսահոլովակներ ենք նկարահանել Ցեղասպանության մասին, որոնք ներկայացնելու ենք համերգային շրջագայությունների ընթացքում։ Սակայն նրանք, ովքեր գալու են միայն մեր երաժշտությունը լսելու եւ վայելելու համար ու հեռու են քաղաքական հասկացություններից, նույնպես կարող են հիանալի ժամանակ անցկացնել մեր համերգների ժամանակ»,- նշել է թմբկահարը։

Հետևեք NEWS.am STYLE-ին Facebook-ում, Twitter-ում և Instagram-ում