Ցանկացած կին երազում է հրաշք դիմակի մասին։ Դիմակ, որը 10-15 րոպե դեմքի մաշկին քսելուց հետո կնոջը կդարձնի իսկական գեղեցկուհի՝ 10 տարով երիտասարդացնելով նրան։
Այսպիսով, ձեր ուշադրությանն եմ ներկայացնում հրաշք դիմակ, որի արդյունքն իսկապես գոհացնող է, իսկ գինը չի հարվածի ընտանեկան բյուջեին (երեւանյան սրահներում այս պրոցեդուրայի դիմաց կվճարեք 5000-10000դր)։ Խոսքը ալգինատային դիմակի մասին է, որի օգնությամբ կարելի է ազատվել մաշկի բոլոր խնդիրներից։ Ավելին, եթե շտապ ցանկանում եք երիտասարդ եւ թարմ տեսք ստանալ, ապա սա լավագույն միջոցն է, քանի որ այս դիմակը 30 րոպեում կօգնի ազատվել կնճիռներից եւ գեղեցիկ փայլ կտա ձեր դեմքին։ Եվ սեփական փորձով կարող եմ հաստատել, որ արդյունքն ակնհայտ է հենց առաջին կիրառությունից։
Իսկ ո՞րն է այս դիմակը։ Դիմակի հիմքում ալգինային թթվի աղերն են, որոնք մեծ քանակությամբ առկա են ջրիմուռների մեջ։ Ալգինային թթվի եւ ջրի միախառնումից առաջանում է գել, որը հարուստ է հանքային նյութերով, վիտամիններով եւ սպիտակուցներով, որոնց շնորհիվ դիմակը մաշկը ձգելու, սնուցելու, տոնուսը բարձրացնելու հիանալի հատկություն է ձեռք բերում։ Արդյունքում, ալգինատները սկսում են վերականգնել մաշկի բջիջների նյութափոխանակությունը։
Նշեմ, որ դիմակը ունի նաեւ բակտերիասպան եւ հակաբորբոքային հատկություն եւ լայնացած ծակոտիներով, յուղոտ մաշկի դեմ պայքարի հիանալի միջոց է (չնայած դիմակը կիրառելի է ցանկացած տեսակի մաշկի դեպքում)։ Ի դեպ, դիմակը կարելի է օգտագործել որպես ցելյուլիտից ազատվելու մեթոդ, քանի որ այն կարող է հեռացել ավելորդ հեղուկն ու շլակները՝ ձգելով մաշկը։ Բայց վերջին պարագայում անհրաժեշտ է նվազագույնը 10 պրոցեդուրա՝ դիմակի օգտագործումը համադրելով մերսումների հետ։
Անձամբ ես նախընտրում եմ կոլագենով ալգինատային դիմակ, որը «ստիպում է» մաշկի բջիջներին ինքնուրույն արտադրել անհրաժեշտ նյութերը։ Արդյունքում մաշկը ավելի ձիգ, երիտասարդ տեսք է ստանում։ Անկեղծ ասած՝ այս դիմակը մեկ բարդություն ունի. այն շատ արագ է կարծրանում եւ պետք է արագ քսել։ Դիմակի օգտագործումից հետո ձեւավորում է ամուր թաղանթ, որն անգամ ջուրը չի կարող ճեղքել։ Առաջանում է որոշակի ճնշում, որն օգնում մյուս միջոցներին ներծծվել մաշկի մեջ։ Հետեւաբար, պրոցեդուրան սկսելուց առաջ պետք է շիճուկներ օգտագործել, որպեսզի եւ շիճուկի, եւ դիմակի օգտակար նյութերը ներծծվեն մաշկի մեջ։
Նշեմ, որ ընդամենը 30 րոպե անց դիմակն արդեն կարելի է հեռացնել մաշկից՝ առանց լվանալու։ Վերջում պարզապես հարկավոր է մաշկին դեմքի տոնիկ եւ ձեր նախընտրած քսուքը օգտագործել։
Յուլիա Վարդանյան
Հետևեք NEWS.am STYLE-ին Facebook-ում, Twitter-ում և Instagram-ում
11:18, 23 ապրիլի
Պտուղը ծառից հեռու չի ընկնում. Քեթրին Զետա-Ջոնսի դուստրն իր 21-ամյակը նշել է մայրիկի՝ 25 տարի առաջվա զգեստով10:16, 23 ապրիլի
Բրիթնի Սփիրսի «կեղտոտ պարը»09:00, 23 ապրիլի
ԱՊՐԻԼԻ 23-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:32, 22 ապրիլի
Ռիհաննայի Street Style-ը․ ընձառյուծի պրինտով մուշտակ եւ կաշվե մինի շրջազգեստ22:01, 22 ապրիլի
Գեւորգ Մկրտչյանի եւ Քրիստինա Հովհաննիսյանի հարսանեկան առաջին տանգոն՝ Էրիկի կատարման ներքո (VIDEO)21:14, 22 ապրիլի
«Անհավանական» տեսանյութ, որտեղ պատկերված է գիտնականի եւ ութոտնուկի հաղորդակցությունը վայրի բնության մեջ19:56, 22 ապրիլի
Համշենական «Մելուսես» խումբը մայիսին համերգ կունենա Երեւանում19:22, 22 ապրիլի
Ասիայի ամենահարուստ մարդու էքստրավագանտ նվերներն իր ընտանիքին և ընկերներին17:12, 22 ապրիլի
Գեւորգ Մկրտչյանը և Քրիստինա Հովհաննիսյանը պսակադրվեցին17:05, 22 ապրիլի
ԴԴՏ-ի համերգը Երևանում՝ եվրոպական մակարդակի շոու16:25, 22 ապրիլի
Նյու Յորքի հայտնի Թայմս Սքվերում գրեթե 20 մ երկարությամբ հսկայական հոթ-դոգ կհայտնվի15:58, 22 ապրիլի
«Լադանիվա»-ից Ժակլինն ու Լուին Հայաստանում են. երգչուհու ծննդյան տարեդարձը, նրա կերպարով տիկնիկն ու ի՞նչ է լինելու «Եվրատեսիլի» բեմում