Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

Քայլեր, որոնք արել են մեր ծնողները

21:18, 23 հոկտեմբերի

Առաջընթացի հետեւից ընկած, մենք, ցավոք, շատ բան ենք կորցրել, որոնք արժեր ամուր պահել: Այնպես որ կարդացեք իմ կազմած ցանկը եւ ինքներդ ձեզ համար որոշեք՝ համաձա՞յն եք ինձ հետ, թե ոչ: Եվ այսպես, մենք հաճախ, ի տարբերություն մեր ծնողների.

Ավելի ու ավելի հազվադեպ ենք շնորհակալություններով լի նամակներ գրում

Ոչ, էլեկտրոնային փոստն այստեղ հարմար չէ. խոսքը թղթի վրա ձեռքով գրված նամակների մասին է: Ես փորձում եմ ուղարկել դրանք առաջին իսկ հնարավորության դեպքում: Մարդկանց դա դուր է գալիս:

Ավելի հազվադեպ ենք սեղմում մարդկանց ձեռքը

Գործարար շրջանակներից դուրս մարդիկ ընդհանրապես միմյանց ձեռք չեն սեղմում: Եթե անկեղծ, ես ինքս էլ նախընտրում եմ սեղմել դիմացինիս ձեռքը, բայց երբ ստիպված եմ լինում հպվել այդ թառամած, անվստահ ձեռքին, ամեն անգամ մտածում եմ, թե որքան դժբախտ է այդ մարդը:

Ավելի հազվադեպ ենք տարվում հավաքածուներով, հատկապես մանուկ հասակում

Երբ ես փոքր էի, մաստակի պիտակներ էի հավաքում, իսկ տղաներին դուր էր գալիս շշերի խցաններն ու ռոբոտները: Իսկ իմ հայրն, օրինակ, մանուկ հասակում թիթեռների գեղեցիկ հավաքածու է ունեցել: Ես տեսել եմ այն, շատ գեղեցիկ է: Իրեր հավաքելը մեզ սովորեցնում է հավաքված ու պատասխանատու լինել, իսկ մեր օրերում երեխաները հավաքում են համակարգչային խաղերի սկավառակներ, եւ անգամ դրանց հետ անփույթ են վարվում:

Ավելի հազվադեպ ենք մեջքն ուղիղ քայլում

Ցավալի է տեսնել ներկայիս դեռահասների քայլվածքին ու կազմվածքին: Տեսնելով, թե ինչպես են կուզեկուզ քայլում, ես հիշում եմ իմ տատիկին, որը երիտասարդ հասակում շատ սլացիկ է եղել, իսկ հետո կամաց-կամաց կռացել է: Այդ ամենի արդյունքում երբ նա արդեն 90 տարեկան էր, նա գրեթե երկուտակվել էր:

Ավելի հազվադեպ ենք ընկերներին հրավիրում միասին ճաշելու

Եվ իզուր, իհարկե, հաճելի է հանդիպել ու նստել որեւէ սրճարանում, բայց տանը ամեն բան ավելի հարմարավետ կլինի թե ձեզ համար, թե ձեր ընկերների:

Ավելի հազվադեպ ենք զբոսնում

Ամուսնուս տատն ու պապն ամեն օր ընթրիքից հետո միասին զբոսնում են: Դա նպաստում է մարսողությանը, եւ ընդհանրապես հաճելի է: Այո, մենք ապրում ենք հագեցած կյանքով, եւ հաճախ դժվար է ժամանակ հատկացնել զբոսանքի համար, բայց դուք, բոլոր դեպքերում, փորձեք:

Ավելի հազվադեպ ենք ընտանեկան ժողովներ հրավիրում

Երբ ես փոքր էի, մենք ձգտում էինք առնվազն տարեկան մեկ անգամ հավաքվել բոլոր-բոլոր հարազատներով, ու դա անպայման անում էինք ամռանը: Շատ հրաշալի էր:

Ավելի հազվադեպ ենք կարդում

Թեեւ գուցե դա այնդքան էլ այդպես չէ, քանի որ դուք հիմա կարդում եք այս նյութը: Այդ դեպքում՝ ընտրեք ձեր ընկերներից որեւէ մեկին, որը չի սիրում կարդալ եւ նրան մի լավ գիրք նվիրեք:

Ավելի հազվադեպ ենք գարնանային մեծ մաքրություն կազմակերպում

Ես միշտ ցանկացել եմ դա կազմակերպել, բայց միշտ մի գործ խանգարել է: Բայց չէ՞ որ շատ լավ կստացվեր, եթե մաքերինք ապակիները, շրջանակները, հատակը եւ այլն, ազատվենք անպետք իրերից: Կարելի է նույնիսկ հավաքվել մի քանի ընտանիքներով եւ միասին մաքրել տունը:

Ավելի հազվադեպ ենք ընդգրկվում կամավորական նախագծերում

Մեր ժամանակ շատ քչերն են նման բան անում, առնվազն ես շատ քիչ այդպիսի մարդիկ գիտեմ: Այո, իհարկե, շատերը նվիրատվություններ են անում եւ դա հրաշալի է… բայց երբ դուք զոհում եք ոչ միայն գումար, այլեւ ձեր ժամանակը, դուք կարող եք ավելի մեծ օգուտ տալ: Միաժամանակ, դա կարող է ձեզ դուր գալ: Միայն թե փորձեք շատ աշխատանք չվերցնել ձեզ վրա:

Ավելի հազվադեպ ենք զանգահարում մեր մայրերին

Որպես կանոն, ես մայրիկիս հետ հեռախոսով խոսում եմ շաբաթական առնվազն 3 ժամ, երբեմն ավելի շատ: Նա միակ մարդն է, ում հետ ինձ հաճելի է խոսել հեռախոսով: Իսկ եթե դուք չեք կարող զանգահարել ձեր մորը, զանգահարեք ձեր ամենամտերիմ մարդուն: Հավատացեք, դա օգտակար կլինի թե ձեզ, թե նրա համար:

Ավելի հազվադեպ ենք գիշերում ընկերների տանը

Պետք չի դա համարել շատ մանկական զբաղմունք: Գուցե դա տարօրինակ է, բայց կյանքիս ամենահաճելի տպավորություններից մեկը կեսգիշերային զրույցներն են ընկերներիս հետ, որոնց մոտ մնացել եմ գիշերելու: Կարելի է նաեւ համատեղ հանգիստ կազմակերպել ընկերների հետ: բոլորի համար մի մեծ համար պատվիրեք, եւ գումարը կտնտեսեք, եւ ավելի հետաքրքիր կլինի:

Ավելի հազվադեպ ենք թխվածք թխում

Ու նաեւ՝ ապուր եփել: Երբ մեր ընկերները կամ հարազատները իրենց վատ են զգում, տխուր են կամ միայնակ,ուրիշ ի՞նչը կարող է նրանց տրամադրությունն ավելի լավ բարձրացնել, քան տնական ուտելիքը: Իմ մի քանի ընկերներ մասնակցում են մարաթոնների, ու ֆինիշից առաջ ես միշտ ձգտում եմ նրանց համար շոկոլադե տորթ թխել:

Ավելի հազվադեպ ենք աղոթում

Ու կարեւոր չէ, հավատացյալ ենք, թե ոչ: Աղոթել կարող են բոլորը, ու ես համարում եմ, որ աղոթքը մեզ օգնում է, քանի որ այն հիշեցնում է, որ մենք տիեզերքի թեկուզ չնչին մասն ենք, որ մենք էլ ձայն ունենք: Ու չնայած ինձ չի կարելի մոլեռանդ հավատացյալ համարել, բայց ամեն անգամ, երբ շտապ օգնության մեքենա եմ տեսնում, ես խաչակնքվում եմ ու աղոթում նրանց համար, ում այն հիվանդանոց է տեղափոխում:

Ավելի հազվադեպ ենք երկնքին նայում

Մինչդեռ երկինքը, հատկապես եթե ձեր բախտը բերել է ու դուք հարավում եք ապրում, կարող է խելահեղության աստիճանի գեղեցիկ լինել: Այն միշտ մի քիչ ուրիշ է, բայց միեւնույն ժամանակ՝ միշտ նույնը: Գուցե՞ երկինքն իրոք տիեզերական մասշտաբի որեւէ նկարչի կտավ է: Դուք ե՞րբ եք վերջին անգամ հիացել երկնքի ամպերով:

Աղբյուրը՝ Creu


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել