• Հայկական ծագմամբ ֆրանսիացի ռեժիսոր Ժան-Բեռնար Մառլինը վերադարձել է Կանն իր երկրորդ՝ «Սալեմ» ֆիլմով

  Ֆրանսահայ ռեժիսոր Ժան-Բեռնար Մառլինը 2018 թվականի Կաննի քննադատների շաբաթին մեծ աղմուկ էր բարձրացրել․․․

• Playtime-ը կզբաղվի «Մսյե Ազնավուր» կենսագրական ֆիլմի արտադրական աշխատանքներով

  Ֆիլմն, անկասկած, այս տարի Կաննի շուկայում ներկայացված ամենաթեժ փաթեթներից է․․․

• «Արեւմտյան ճակատում առանց փոփոխությունների» ֆիլմը դարձել է British Academy Film Awards 2023-ի ռեկորդակիր

  7 մրցանակ է ստացել, այդ թվում՝ լավագույն ֆիլմ անվանակարգում․․․

• Դեւա Կասելը կնկարահանվի «Գեղեցիկ ամառ» ֆիլմում

  Ֆիլմի սցենարի հիմքում իտալացի գրող Չեզարե Պավեսեի «La Bella Estate» վեպն է...

• Ալեն Դելոնը հարցազրույց կունենա Ուկրաինայի նախագահ Վոլոդիմիր Զելենսկիի հետ

  Հարցազրույցը կկայանա ուրբաթ օրը...

• Մահացել է ֆրանսիացի լեգենդար ռեժիսոր Ժան-Լյուկ Գոդարը

  Գոդարի կատարած աշխատանքը նպաստել է համաշխարհային կինոյի զարգացմանը..

• Մեթյու Լոպեսի ֆիլմում Ումա Թուրմանը կմարմնավորի ԱՄՆ նախագահին

  Ռոմանտիկ կատակերգություն․․․

• Վիկտոր Դոբրոնրավովը կխաղա Ռոման Պոլանսկիի ֆիլմում

  Ժապավենում կխաղան Միքի Ռուրկը, Ֆանի Արդանը․․․

Օրեր առաջ ձեր խոնարհ ծառան գնացել էր մայրաքաղաքի կինոթատրոններից մեկը՝ դիտելու գործակալ Ջեյմս Բոնդի մասին պատմող նոր ֆիլմը՝ «007 սպեկտրը»։ Ֆիլմը դիտեցի գրեթե դատարկ դահլիճում եւ եթե սկզբում մտածում էի՝ «տեսնես ինչու՞ են «Բոնդին» արհամարհում», ապա վերջում հասկացա։

Չնայած ֆիլմը մեծ աղմուկ եւ իրարանցում է առաջացրել իր անհամար ֆոտոշարքերով, ահռելի բյուջեով, պրեմիերայի ժամանակ հավաքված գումարով՝ այն չարդարացրեց իմ սպասելիքները։

Առաջին հերթին նշեմ, որ ընդհանրապես տպավորված չեմ երգի սաունդթրեքով։ Սեմ Սմիթի ստեղծագործությունն, ասես, ոռնոց լինի։ Եվ ակամայից հիշեցի Ադելի հիթը՝ նախորդ ֆիլմից. պարզ է, որ Սեմ Սմիթը դեռ շատ հեռու է Ադելին հասնելու համար։

Մոնիկա Բելուչիի խաղը տեւում է ընդամենը երեք րոպե, իսկ Տարանտինոյի հերոսներին հիանալիորեն մարմնավորած Քրիստոֆեր Վալցն այս անգամ, ասես, կոմիքսների հակահերոս լիներ։ Որքան էլ, որ ֆիլմի ստեղծողները փորձում էին ինձ ստիպել մտածել, որ Բոնդը պայքարում է համաշխարհային մակարդակի չարագործի դեմ, միեւնույնն է, նրանց մոտ ոչինչ չստացվեց։ Վստահ կարող եմ ասել, որ չարագործի կերպարը Վալցի համար չէր, հատկապես այդ դեպքում, երբ ըստ սցենարի՝ ֆիլմի վերջում պարզվում է, որ նա Բոնդի եղբայրն է։

Վալցի «չար» ծառայողներից մեկը՝ ռեսթլեր Դեյվ Բատիստան, որքան էլ հարվածում էր եւ փորձում սպանել Բոնդին, վերջինս ոչ մի կերպ չէր մահանում, ինչը ժպիտ էր առաջացնում՝ հաշվի առնելով ռեսթլերի եւ Քրեյգի մարմնի կազմվածքները։

Ֆիլմում կային նաեւ անհամապատասխանություններ. պատկերացրեք  տեսարան, որում Քրեյգն ու իր նոր ընկերուհին (Լեա Սեյդու) կեղտոտված հագուստով, փոշոտ, քերծվածքներով դուրս են գալիս անհասկանալի մի վայրից, մեկ րոպե անց նստում են ՀԱՀ տանող գնացք, իսկ երեք րոպե հետո նրանք արդեն բավականին թարմ տեսք ունեն՝ առանց սպիների, գեղեցիկ կոստյումներով, իսկ Լեան՝ բարձրակրունկ կոշիկով։

Սակայն ազնվության համար պետք է նշեմ, որ ֆիլմում օգտագործված են հատուկ էֆեկտներ, Բոնդը հայտնվում է Մեքսիկայում, Մարոկկոյում, Ավստրիայում, Անգլիայում։ Եվ եթե նախորդ «Սքայֆոլ» եւ «Ռոյալ խաղատուն» ֆիլմերում Բոնդն ուներ իր անձնական պատմությունը, նա կենդանի եւ գործող հերոս էր, ապա Սեմ Մենդեսի նոր ֆիլմում Բոնդն ասես «փայտի կտոր» լինի, որին Սեյդուն անընդհատ փորձում է գայթակղել։ Ամենասարսափելին այն էր, որ ֆիլմում կային պահեր, երբ ես ուղղակի ձանձրանում էի եւ ինձ չէր լքում այն զգացողությունը, որ ֆիլմը հապճեպ է նկարահանվել. շատ հաճախ էի անհամապատասխանություններ նկատում։

Ամեն դեպքում ֆիլմը պետք է դիտել մեծ էկրաններին, այլապես ձանձրույթն ու հիասթափությունն անխուսափելի է։

Միշտ ձեր՝ Վուդի Ալեն

Հետևեք NEWS.am STYLE-ին Facebook-ում, Twitter-ում և Instagram-ում